अंजोर.रायपुर। देवारी तिहार म मुख्यमंत्री निवास म एलईडी लाईप, रंग-बिरंगा कपड़ा ले आकर्षक साज-सज्जा करे गे हावय। खास बात ये हावय के ए साज-सज्जा म छत्तीसगढ़ के स्थानीय परंपरा अउ चिन्हारी के बिसेस रूप ले रेखांकित करे गे हावय।
मुख्य दुवार म एलईडी लाइट ले शुभ देवारी तिहार लिखा होइस अउ दुनों गेट म चिन्हारी बनाये गे हावय, जेन बहुत ही आकर्षक हाबे। उहें प्रवेश दुवार के बाद छोटे-छोटे पेड़ पौधा के झालर लाइट ले अउ रंग-बिरंगी कपड़ा ले रद्दा ल सजाये गे हावय। निवास के अंदर वाला गेट म तको एलईडी लाइट ले बने चिन्हारी तको मनमोहक हावय।
गोवर्धन पूजा 26 अक्टूबर के
ए साल 25 अक्टूबर के सूर्यग्रहण होए के सेती ले मुख्यमंत्री निवास म गोवर्धन पूजा के आयोजन 26 अक्टूबर के मंझनिया 2 बजे करे जाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।