अंजोर.गरियाबंद। वरिष्ठ पुलिस अधीक्षक अमित तुकाराम काम्बले डहर ले देवारी परब के मउका म गरियाबंद जिला के शहीद परिवार ले मिलके हाल-चाल अउ समस्या के बारे म पूछे संग ही पुलिस अधीक्षक डहर ले शासन डहर ले चलाये जात योजना मन अउ शहीद परिवार के मिलइया लाभ के संबंध म जानकारी दिस।
ओमन किहिन के कोनो भी रकम ले समस्या होए म वो बिना कोनो झिझक के मिल सकत हावयं अउ अपन समस्या ल रख सकत हावयं, अपन स्तर म तुरते समाधान करे अउ आन विभाग ले संबंधित बुता होए म संबंधित के बात करके समाधान कराइन के आश्वासन दिस।
संग ही सबो शहीद के घर वाला के सुख-दुख म शासन, पुलिस विभाग अउ क्षेत्र के जनता हर वक्त संग खड़े होके, शहीद के बलिदान के सदा सुरता करे जाही। देवारी परब के मउका म शहीद परिवार के घर वाला के उज्ज्वल भविष्य के कामना करत उपहार स्वरूप मिठाई अउ पटाखे भेंट करे गिस। ए मउका म अकताहा पुलिस अधीक्षक चंद्रेश सिंह ठाकुर, रक्षित निरीक्षक उमेश राय, थाना प्रभारी सिटी कोतवाली गरियाबंद गौतम गावडे तको शहीद परिवार के घर वाला ले रूबरू होइस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।