स्कूल म कराटे प्रशिक्षण बर आवेदन मांगइस

अंजोर.बलौदाबाजार। कलेक्टर रजत बंसल के निर्देश म जिला के चयनित 619 उच्च प्राथमिक स्कूल अउ 249 हाई स्कूल, हायर सेकेण्डरी विद्यालय म पढ़त लइका के सशक्तिकरण अउ ओला मजबूत बनाये के खातिर रानी लक्ष्मीबाई आत्मरक्षा कराटे प्रशिक्षण के आयोजन 30 दिसम्बर 2022 के पहिली करे जाना हावय। पढ़इया लइका के आत्मरक्षा प्रशिक्षण बर मार्शल आर्ट, कराटे, वुशू अउ ताइकांडो विधा मन के प्रशिक्षण दे बर पंजीकृत संस्था मन अउ सम्बद्ध मार्शल आर्ट प्रशिक्षक के जरूरत  हावय। इच्छुक पंजीकृत आटर्स संस्था आवेदन, संस्थान के सबो मूल दस्तावेज, दस्तावेज के दो-दो छायाप्रति के संग 20 अक्टूबर 2022 तक रजिस्टर्ड डाक के माध्यम ले कार्यालय जिला शिक्षा अधिकारी बलौदाबाजार-भाटापारा छ.ग. के पता म आवेदन प्रस्तुत कर सकत हावय। मिले आवेदन म एक ले जादा होए म लॉटरी विधि ले संस्था के चयन करे जाही। आवेदन करइया संस्था म 21 अक्टूबर 2022 के मंझनिया 3 बजे कार्यालय जिला शिक्षा अधिकारी बलौदाबाजार-भाटापारा म उपस्थित रइही। अनुपस्थित रेहे म पंजीकृत संस्था लॉटरी म दावा-आपत्ति नइ कर सके।