विधानसभा उपाध्यक्ष मनोज सिंह मंडावी के निधन : आदिवासी समाज के उन्नति अउ विकास बर गुनान करइया सियान गुजरगे

अंजोर.रायपुर। छत्तीसगढ़ विधानसभा के उपाध्यक्ष मनोज सिंह मंडावी के आकस्मिक निधन होगे। मनोज सिंह मंडावी वरिष्ठ आदिवासी नेता रिहिस, ओमन नवगठित छत्तीसगढ़ के गृह राज्यमंत्री अउ विधानसभा के उपाध्यक्ष सहित केऊ पद ल सुशोभित करत प्रदेस के सेवा करिस। वो साल 1998 म अविभाजित मध्यप्रदेश विधानसभा के अउ साल 2013 अउ 2018 म छत्तीसगढ़ विधानसभा के सदस्य निर्वाचित होइस। मंडावी छत्तीसगढ़ आदिवासी विकास परिषद के अध्यक्ष तको रिहिन।

ये मउका म मुख्यमंत्री भूपेश बघेल ह गहरा दुख प्रकट करत किहिन के मनोज सिंह मंडावी आदिवासी समाज के बड़े नेता रिहिस। वो आदिवासी मन के समस्या के विधानसभा म प्रभावशाली ढंग ले रखत रिहिस। मंडावी आदिवासी समाज के उन्नति अउ अपन क्षेत्र के विकास के खातिर सदैव प्रयासरत रिहिन।

प्रदेश के विकास म उंकर योगदान के सदैव सुरता रखे जाही। उंकर निधन हम सबके खातिर अपूरणीय क्षति हावय। मुख्यमंत्री ह मनोज सिंह मंडावी के शोक संतप्त परिवार वाला के प्रति संवेदना प्रकट करत दिवंगत आत्मा के शांति के खातिर ईश्वर ले प्रार्थना के हावय।

विधानसभा उपाध्यक्ष मनोज सिंह मंडावी