नारायणपुर के देवगांव-हचाड़ी म पुलिस-नक्सली मुठभेड : विस्फोटक, नक्सली साहित्य अउ गजब अकन घरेलू समान बरामद

अंजोर.नारायणपुर। माओवादी नक्सली मनके मूव्हमेंट के सूचना मिले म तुरते कार्यवाही करत पुलिस महानिरीक्षक सुन्दरराज पी. के मार्गदर्शन म आईपीएस सदानंद कुमार (पुलिस अधीक्षक, नारायणपुर) अउ आईपीएस पुष्कर शर्मा (अतिरिक्त पुलिस अधीक्षक, नक्सल ऑप्स नारायणपुर) के निर्देश के मुताबिक डीआरजी कमाण्डर्स उप निरीक्षक रितेश कंवर अउ सउनि सीताराम सागर के हमराह म नारायणपुर डीआरजी के 02 टीम नारायणपुर जिला के सीमावर्ती क्षेत्र बंडापाल, किसकोड़ो, देवगांव, हुचारी के तनि नक्सल गस्त सर्चिंग म रवाना होए रिहिस। गस्त सर्चिंग के बखत मंझनिया करीबन 03:30 ले 04:00 बजे के बीच देवगांव हुचाडी के जंगल पहाड़ म पुलिस नक्सली मन के बीच भयंकर मुठभेड़ होइस, जेमा पुलिस पार्टी के भारी पड़ता देख नक्सली घने जंगल-पहाड़ी के फायदा उठाके भाग गे।

ये मुठभेड़ डीआरजी नारायणपुर अउ किसकोड़ो एरिया कमेटी के नक्सली मनके संग होइस। फायरिंग समाप्ति के बाद पुलिस पार्टी डहर ले घटना जगह के सर्चिंग करे गिस, सचिंग के बखत जगह-जगह लहू के धब्बा अउ थक्का रिहिस, जेकर ले कई नक्सली मनके गंभीर रूप ले घायल होए के संभावना हावय। येकर संग ही सर्चिंग के बखत घटना जगह ले देशी बीजीएल - 10 नग, 12 बोर राउण्ड - 12 नग, कोडेक्स वायर, एयर गन राउण्ड, मल्टीमीटर - 01 नग, सोल्डिंग आयरन - 01 नग, पोच - 04 नग, पिट्ठू बेग - 01 नग, रेडियो सेट- 01 नग, केल्कुलेटर - 02 नग, बैटरी - 08 नग, वायर कटर - 01 नग, पेचकस - 01 नग, नक्सली वर्दी - 01 नग, बेल्ट 01 नग, नक्सली साहित्य अउ खाना बनाये के बर्तन, टार्च, गंजी, बाल्टी, डेचकी, जेरीकेन, चम्मच, दवई अउ दैनिक उपयोग के समान बरामद होइस हावय। नक्सल मुठभेड़ म पुलिस बल के जवान मन के कोनो तको रकम ले क्षति नइ पहुंचिस हावय। इलाका म सरलग नजर रखे जात हावय।