कबड्डी खेलत ठंडाराम मालाकार के आकस्मिक मृत्यु, मुख्यमंत्री जताइस गहरा दुःख अउ परिवारजन ल स्वेच्छानुदान ले 4 लाख रूपिया के करिस घोसना..., अंजोर छत्तीसगढ़ी म पढ़व पूरा खबर

अंजोर.रायगढ़। मुख्यमंत्री भूपेश बघेल ह रायगढ़ जिला के घरघोड़ा ब्लाक ले ग्राम-भालुमार म कबड्डी खेलत बखत गिरे ले ठंडाराम मालाकार के आकस्मिक मृत्यु के घटना म गहरा दुख प्रकट करिन हावय। मुख्यमंत्री ह ए घटना ल गजब दुखद बतात मृतक ठंडाराम मालाकार के परिवार वाला के प्रति अपन शोक संवेदना प्रकट करे हावय। ये मउका म ओमन स्वेच्छानुदान मद ले मृतक के परिवार वाला ल 4 लाख रूपिया के मदद दे के घोसना करत किहिन के येकर अलावा मृतक खिलाड़ी के परिवार वाला ल राज्य शासन ले नियम के मुताबिक मदद रकम दे जाही।