पुलिस के सक्रियता ले रेकी करके लूट अउ चोरी करइया गिरोह के भंडाफोड़

अंजोर.गरियाबंद। पुलिस महानिरीक्षक रायपुर रेंज रायपुर बी.एन. मीणा के निर्देशन म वरिष्ठ पुलिस अधीक्षक गरियाबंद अमित तुकाराम काम्बले के मार्गदर्शन म अउ अति. पुलिस अधीक्षक चन्द्रेश ठाकुर अउ अनुविभागी अधिकारी पुलिस पुष्पेद्र नायक के सतत मार्गदर्शन म ताबड़तोड़ कार्यवाही ले अपराधी मन म खौफ के माहौल दिखत हावय। अउ दूसर तनि आम नागरिक म सुरक्षा के भावना अउ पुलिस के प्रति विश्वास नजर आत हावय। पाछु पखवाड़ा म स्वीफट डिजायर कार ले 02 लाख रूपया के अवैध दारू पकड़ा गिस अउ आरोपी हिम्मत बंजारे, महेन्द्र कुमार ढिढी ल जेल भेजे गिस। दारू परिवहन म प्रयुक्त स्वीफ्ट कार राजसात के जात हावय। प्रवीण सोनवानी जेन धमतरी ले राजिम आये रिहिस जेन राजिम पवन दीवान आश्रम के सुनसान एरिया म लूट के शिकार होगे पुलिस डहर ले तुरते कार्यवाही करत लूटेरा मो. इसराईल ल गिरफतार करके लिस अउ लूट के रकम तको जप्त करे गिस। लूट प्रकरण म आन साथी जनकराम ध्रुव जेन मउका ले लूट करके फरार हो गे रिहिस सरगर्मी से तलाश करके धरदबोचे गिस अउ लूट के पइसा बरामद करके दोनो आरोपी ल जेल भेजे गे हावय।

मिले आरो के मुताबिक क्षेत्र म बैंक के आसपास रेकी करके बैंक ले रकम निकाल के ले जवइया किसान / व्यापारी ल निशाना बनाके रूपिया चोरी करे वाला गिरोह के पर्दाफाश तको होए हावय। पाछु दिन रिखीराम साहू निवासी लफंदी के डहर ले पंजाब नेशनल बैंक गोबरा नयापारा ले रकम आहरण करके राजिम गायत्री मंदिर सुभाष चौक म अपन मोटरसायकल खड़ा करिन अउ अपन परिचित के पास कुछ समय बर मिले गिस ए बखत मोटरसायकल के डिक्की ल तोड़ के डिक्की म रखे 20,000 रूपिया पार करे के सूचना म तुरते कार्यवाही करत आरोपी के सुत्र पता करके चौबीस घंटा के भीतर आरोपी बाबूसिंह नट ल घटना के समय इस्तेमाल करे गे मोटरसायकल सहित 300 किमी. दूरी थाना कापू जिला रायगढ क्षेत्र धरदबोचे गे हावय। आन आरोपी के पतातलाश जारी हावय, जल्दी0 ही उंकर तको गिरफतारी करे जाही।