अंजोर.कवर्धा। प्रदेस के गृह मंत्री ताम्रध्वज साहू के पंडरिया विकासखंड के गांव मोहतरा म तहसील साहू समाज संघ पंडरिया के शपथ ग्रहण समारोह म सामिल होइस। मंत्री साहू ह नव निर्वाचित पदाधिकारी मन के बधाई अउ सुभकामना दीस। ए बखत समाज के प्रतिभावान विद्यार्थी, युवा मन के प्रशस्ति पाती देके सम्मानित करे गिस। ए मउका म पंडरिया विधायक श्रीमती ममता चंद्राकर, पिछड़ा वर्ग आयोग के अध्यक्ष थानेश्वर साहू, पुलिस अधीक्षक डॉ. लाल उमेंद सिंह उपस्थित रिहिस।
गृह मंत्री साहू ह किहिन के समाज के नागरिक ह विश्वास के संग पदाधिकारी मन के जिम्मेदारियां दीस हावय। ओला ये कर्तव्य के जिम्मेदारी ले निर्वहन करे चाही। ओमन किहिन के चुनाव लड़ना अउ पद पाना आसान हावय, फेर पद के मुताबिक बुता करना बहुत मुस्किल काम हावय। पद म आने के बाद बहुत गंभीर चिंतन करके समाज म का बुता करे जाना हावय अउ कइसे समाज के लोगन के आगू बढ़ाना हावय, ए दिशा म बुता करना चाही। ओमन किहिन के पद पाये के बाद ईर्ष्या अउ घमंड, अभिमान ले दूरिहा रहना चाही। मानव के हमेशा झुकना चाही। जेन इंसान म झुके के गुण होवत हावय, वो संगठन के ओतका ही जादा मजबूत करही। हमन सिरिफ संख्या म ही बड़े नइ होना चाही।
हमर आचरण, काम, नियमावली बुता करे के तौरदृतरीका अच्छा होना चाही। येकर खातिर हमर विचार बड़ा होना चाही। समाज म कोनो गरीब परिवार हावय अउ उंकर घर म प्रतिभावान पढ़ईया हावय त समाज के लोगन डहर ले मदद करके आगू बढ़ाना चाही। आने वाला पीढ़ी के केसे तइयार करे हावय येकर खातिर चिंतन होना चाही। ओमन किहिन के सामाजिक समरसता होना चाही। एक समाज ले दूसरा समाज ले अच्छा संबंध बनाये चाही। सबो समाज ले रिश्ता मजबूत करे चाही। समाज के आगू बढ़ाये के खातिर नयादृनया योजना लागू करे चाही। जेन रकम ले बहते जल निर्मल होवत हावय उही रकम ले ही समाज के गतिविधी सरलग होवत रहना चाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।