मुख्यमंत्री भूपेश बघेल ले निगम-मंडल-आयोग के नवनियुक्त पदाधिकारी करिस मुलाकात

अंजोर.रायपुर। मुख्यमंत्री भूपेश बघेल ले उंकर निवास कार्यालय म निगम, मंडल अउ आयोग के नवनियुक्त पदाधिकारी मन ह मुलाकात करिस। मुख्यमंत्री बघेल ह सबो नवनियुक्त पदाधिकारी मनला हार्दिक बधाई देत पदेन दायित्व के कुशलतापूर्वक निर्वहन के खातिर सुभकामना दीस।

ए मउका म छत्तीसगढ़ खनिज विकास निगम के अध्यक्ष गिरीश देवांगन, छत्तीसगढ़ सिंधी अकादमी के उपाध्यक्ष नानक रेलवानी, छत्तीसगढ़ राज्य बीज प्रमाणीकरण संस्था के सदस्य बृजेश शर्मा, छत्तीसगढ़ असंगठित कर्मकार समाजिक सुरक्षा मंडल के सदस्य सोमेश चटर्जी, छत्तीसगढ़ संस्कृत विद्या मंडल के सदस्य शंकर सोढ़ी, छत्तीसगढ़ राज्य जीव जंतु कल्याण बोर्ड के सदस्य मदनलाल देवांगन सहित केऊ निगम, मण्डल अउ आयोग के नवनियुक्त पदाधिकारीगण उपस्थित रिहिस।