Chandra Grahan 2022 Date Time in India चंद्र ग्रहण 8 नवम्बर मंगलवार के ह दक्षिण अमरीका, उत्तर अमरीका, ऑस्ट्रेलिया, एशिया, उत्तर अटलांटिक महासागर अउ प्रशांत महासागर म देखही

अंजोर. Delhi, 8 नवम्बर, 2022 (17 कार्तिक, शक संवत 1944) के पूरा चंद्र ग्रहण होही। चंद्रोदय के समय ग्रहण भारत के सबो ठऊर मन ले देखही। हांलाकि ग्रहण के आंशिक अउ पूर्णावस्था के आरम्भ भारत के कोनो तको ठऊर  ले देखाइस नइ दिही काबर के ये घटना भारत म चंद्रोदय के पहिली ही सुरू हो चुके होही। ग्रहण के पूर्णावस्था अउ आंशिक अवस्था दुनों ही के अंत देश के पूर्वी हिस्सा ले देखही। देश के बाकी हिस्सा ले आंशिक अवस्था के केवल अंत ही देखही।

ग्रहण दक्षिण अमरीका, उत्तर अमरीका, ऑस्ट्रेलिया, एशिया, उत्तर अटलांटिक महासागर अउ प्रशांत महासागर के क्षेत्र म देखही। ग्रहण भा.मा.स. मुताबिक घं. 14.39 मि. म सुरू होही जेकर पूर्णावस्था भा.मा.स. मुताबिक घं. 15.46 मि. म सुरू होही। ग्रहण के पूर्णावस्था के अंत भा.मा.स. मुताबिक घं. 17.12 मि. म होही अउ आंशिक अवस्था के अंत भा.मा.स. मुताबिक घं. 18.19 मि. म होही।

देश के पूर्वी भाग म स्थित शहर यथा कोलकाता अउ गुवाहाटी म चंद्रोदय के समय ग्रहण के पूर्णावस्था चल रेहे होही। कोलकाता म चंद्रोदय के समय ले लेके पूर्णावस्था के अंत तक के बखत 20 मिनट के होही अउ चंद्रोदय के समय ले लेके ग्रहण के आंशिक अवस्था के अंत तक के बखत 1 घंटा 27 मिनट के होही। गुवाहाटी म चंद्रोदय के समय ले लेके पूर्णावस्था के अंत तक के बखत 38 मिनट के होही जबकि उहाँ चंद्रोदय के समय ले लेके ग्रहण के आंशिक अवस्था के अंत तक के बखत 1 घंटा 45 मिनट के होही।

अन्य शहर यथा दिल्ली, मुम्बई, चेन्नै अउ बंगलुरू म पूर्णावस्था के अंत के बाद चंद्रोदय होही अउ वो समय आंशिक ग्रहण चल रिहिन होही अउ उपर्युक्त शहर म चंद्रोदय के समय ले लेके ग्रहण के आंशिक अवस्था के अंत तक के बखत क्रमश: 50 मिनट, 18 मिनट, 40 मिनट अउ 29 मिनट तक के होही।

भारत म दृश्य अगला चंद्र ग्रहण 28 अक्टूबर 2023 के घटित होही जेन के आंशिक चंद्र ग्रहण होही। भारत म दृश्य पिछला चंद्र ग्रहण 19 नवम्बर 2021 के घटित होइस रिहिस जेन के आंशिक चंद्र ग्रहण रिहिस। चंद्र ग्रहण पूर्णिमा के घटित होवत  हावय जब पृथ्वी सूर्य अउ चंद्रमा के बीच आ जाथे अउ ये तीनों एक सोज रेखा म अवस्थित हो जात हावयं। पूरा चंद्र ग्रहण तब घटित होवत  हावय जब चंद्रमा पूर्णतया पृथ्वी के प्रच्छाया ले आवृत हो जाथे  अउ आंशिक चंद्र ग्रहण तब घटित होवत  हावय जब चंद्रमा के एक हिस्सा ही पृथ्वी के प्रच्छाया ले ढक पात हावय। भारत के कुछ ठऊर मन के ग्रहण संबंधी स्थानीय परिस्थिति के एक सारणी सुलभ संदर्भ के खातिर अलग समोखे जात हावय।