अंजोर.रायपुर। स्वास्थ्य विभाग सचिव प्रसन्ना आर. ह अम्बेडकर अस्पताल अउ सरकारी फिजियोथेरेपी कॉलेज के अधिकारी मनके बइठक लिस। डॉ. भीमराव अम्बेडकर अस्पताल के टेली-मेडिसिन हाल म आयोजित बइठक म संचालक, चिकित्सा शिक्षा डा. विष्णु दत्त, अधिष्ठाता, पंडित जवाहर लाल नेहरू चिकित्सा कॉलेज डा. तृप्ति नागरिया, अधीक्षक, अम्बेडकर अस्पताल डा. एस.बी.एस. नेताम अउ सरकारी फिजियोथेपी कॉलेज के प्राचार्य डा. रोहित राजपूत सामिल होइस।
स्वास्थ्य विभाग सचिव प्रसन्ना आर. ह बइठक म डॉ. भीमराव अम्बेडकर अस्पताल म एल टू ट्रामा केयर सेंटर के प्रस्तावित बुता के अतिशीघ्र सुरू करे के निर्देश दिस। ओमन अस्पताल के जनरेटर कक्ष ले लगे खाली ठऊर म रजिस्ट्रेशन काउंटर के शिफ्ट करके रजिस्ट्रेशन काउंटर शिफ्टिंग होए के बाद खाली जगह म इमरजेंसी मेडिसीन विभाग सुरू करे के निर्देश दिस। ओमन टेंडर फायनल होए के बाद अस्पताल म मरीज मन के दे करे जा रिहिन भोजन के नवा दर म अतिशीघ्र दे करे के तको निर्देश दिस।
श्री प्रसन्ना ह अस्पताल म नर्सिंग स्टॉफ के कमी ल देखत शासन स्तर म जब तक नवा भरती नइ हो जात, तब तक वैकल्पिक बेवस्था बनाये ल किहिन। ओमन अस्पताल के उपकरण के रखरखाव अउ मरम्मत बुता म बिसेस धियान दे अउ पोस्टमार्टम रिपोर्ट अविलंब तइयार करे के खातिर फोरेंसिक विभागाध्यक्ष डा. स्निग्धा जैन के निर्देशित करिन। ओमन बइठक म किहिन के अस्पताल म आने वाला मरीज मन के इलाज सबले जरूरी बुता हावय। इहाँ सबोच बुता के समय-सीमा तय होना चाही ताकि मरीज मन के नवा सुविधा के लाभ अति लघियात मिल सके। बइठक म डा. डी.पी. लकड़ा, डा. आशुतोष गुप्ता, डा. स्मित श्रीवास्तव अउ डा. के.के. साहू तको मौजूद रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।