अंजोर.राजनांदगांव। खुज्जी विधानसभा के गांव चिल्हाटी मुख्यमंत्री भूपेश बघेल डहर ले करे गे घोसना-
- 1. चिल्हाटी म कॉलेज खोले जाही।
- 2. चिल्हाटी म सहकारी बैंक के शाखा खोले जाही।
- 3. बूढ़ीबंजारी ले मक्का आश्रम तक पुल पुलिया सहित रद्दा ल बनाये जाही।
- 4. गोंदानाला जलाशय के जीर्णोद्धार अउ नहर लाइनिंग के बुता कराये जाही।
- 5. आमाटोला म प्राथमिक स्वास्थ्य केंद्र खोले जाही।
- 6. गांव रेंगाकठेरा अउ छछानपहरी म उप स्वास्थ्य केंद्र के स्थापना करे जाही।
- 7. गांव थुहाडबरी म नदी किनारे पिचिंग के काम कराये जाही।
- 8. टेकाहर्रा म 33 के.वी. के ट्रांसफॉर्मर लगवाये जाही।
- 9. टेकाहर्रा ले मक्के अउ टेकाहर्रा ले कल्लू बंजारी तक पक्की सड़क बनाये जाही।
ये मउका म दाऊ जी गांव के लोगन मन ले गोठबात तको करिस। ओमन पहटिया ले फरमाइश करिस अउ कहिन- सुनाओ बढ़िया गीत। मुख्यमंत्री ह पूछिस- गोबर बेचे ले मिले पइसा के का करेस। पहटिया ह बताइन के छेरी ले हावं। 10 छेरी ले अब 16 होगे हावय। मुख्यमंत्री ह किहिन के बचत पइसा ल पहाटनीन बर का लेस, पहटिया ह बताइन के लइका मनके पढ़ाई बर लगावत हंव।
राजीव गांधी युवा मितान क्लब के गतिविधी म तको मुख्यमंत्री भूपेश बघेल ह पूछिस, एमा युवा मितान ह बताइन के सांस्कृतिक गतिविधि अउ खेल करात हावयं। कांति ह मुख्यमंत्री ल बताइन के खोखो खेलिस बरसों बाद। ससुराल म पहिली बार खेलिस, बहुत आनंद आइस। मुख्यमंत्री ह पूछिस के का करत हो। बताइन के मैं कृषि संगवारी हावं। ब्रह्मास्त्र जइसे दवई बनात हावं। सुनिता उइके खुर्सीटिकुल निवासी ह बताइन के 2 लाख 10 हजार के वर्मी समूह ह बेचिस। एक लाख रूपिया मुर्गीपालन म लगाइस अउ तीन लाख रूपिया कमाइस। बटेर तको पालत हावं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।