चाचा नेहरू जयंती म सीएम ‘कका’ के सुघ्घर संदेश : नानपन के सीख जीवनभर काम आथे

अंजोर.रायपुर। लइका सही मायने म भावी राष्ट्र निर्माता हावयं। उंकर लालन पालन, शिक्षा दीक्षा बड़ धियान पूर्वक करना चाहिये। बचपन म जेन सीखे हावयं वो जीवनभर काम आथे। ये बात मुख्यमंत्री भूपेश बघेल ह साइंस कॉलेज परिसर ऑडिटोरियम म बाल दिवस म आयोजित कार्यक्रम के बखत कहिन। ओमन लइका ले किहिन के खेल अउ पढ़ाई दुनों ही जरूरी हावयं। आप लोगन खूब पढ़िये, खूब खेला अउ समय के सदुपयोग करा।

देश के पहिली प्रधानमंत्री पंडित जवाहरलाल नेहरू के जयंती म मुख्यमंत्री भूपेश बघेल ह राजधानी रायपुर के साइंस कॉलेज परिसर स्थित पंडित दीनदयाल उपाध्याय ऑडिटोरियम म स्कूली लइका के संबोधित करिन। मुख्यमंत्री ह बाल दिवस के सुभकामना देत किहिन के गुणवत्तापूर्ण शिक्षा ले ही मजबूत राष्ट्र के बनाये करे जा सकत हाबे। मुख्यमंत्री बघेल ह ‘सुग्घर पढ़वैया’ अउ ‘लइका मन के गोठ’ पुस्तक के विमोचन तको करिन। कार्यक्रम म स्कूली छात्र-पढ़इया लइका डहर ले देशभक्ति गीत, छत्तीसगढ़ी नृत्य अउ गीत अउ कराटे के तको प्रदर्शन करे गिस।

कार्यक्रम म मुख्यमंत्री ह प्रदेस के चार प्रतिभाशाली लइका राकेश कुमार, संजना बांधे, दीपिका ठाकुर अउ विद्या राजपूत के सम्मानित तको करिन। ए मउका म कार्यक्रम के अध्यक्षता करके रिहिन स्कूल शिक्षा मंत्री डॉ प्रेमसाय सिंह टेकाम ह किहिन के मुख्यमंत्री भूपेश बघेल के मंशा के मुताबिक शिक्षा के क्षेत्र म राज्य सरकार बिसेस धियान दे रेहे हावय अउ उल्लेखनीय बुता करे  जा रिहिन हावयं। भविष्य म येकर अउ बढि़या परिणाम आही।

कार्यक्रम म संसदीय सचिव दुवार काधीश यादव अउ विकास उपाध्याय, प्रमुख सचिव डॉ आलोक शुक्ला, समग्र शिक्षा के प्रबंध संचालक नरेंद्र कुमार दुग्गा, स्कूल शिक्षा विभाग के अधिकारी कर्मचारी अउ राज्य के आने-आने जिला  ले छात्र-पढ़इया लइका बड़े संख्या म  उपस्थित रिहिन।

मुख्यमंत्री ह सराहा-कार्यक्रम म कांकेर जिला के भानवेड़ा के कक्षा 11वीं के दिव्यांग पढ़इया लइका सुश्री भावना साहू डहर ले गोड़ ले बनायी ड्राईंग के मुख्यमंत्री बघेल ह तको सराहा। भावना ह जल ही जिनगी के थीम म पानी के सदुपयोग के संदेश दे। स्कूली लइका ह लगाये प्रदर्शनी-बाल दिन के मउका म  स्कूल शिक्षा विभाग डहर ले ऑडिटोरियम म प्रदर्शनी तको लगायी।

प्रदर्शनी म  बालवाड़ी के माध्यम ले लइका के सिखाना, बहुमुखी प्रतिभाशाली लइका के प्रस्तुतीकरण, विशिष्ट जरूरत  वाला लइका के शिक्षा,  लइका डहर ले कुशल वाचन, मौखिक गणित के प्रदर्शन, खिलौनों ले सीखना, अंगना म सीखना, व्यवसायिक शिक्षा के ले लइका डहर ले तइयार सामान प्रदर्शन, आने-आने कौशल म दक्ष कुशल लइका के प्रस्तुतीकरण, गणित अउ विज्ञान क्लब के माध्यम ले गतिविधी के प्रस्तुतीकरण, स्वामी आत्मानंद उत्कृष्ट योजना ले अंग्रेजी हिंदी माध्यम स्कूल के लइका डहर ले स्कूल म के जा रेहे गतिविधी के प्रदर्शन, शारीरिक विकास आत्मरक्षा के खातिर नोनी मन के प्रदर्शन, स्थानीय भाषा म शिक्षा अउ संविधान ले परिचय उक विषय के स्टाल लगाए गे हावयं अउ स्टाल के अगुवई तको लइका डहर ले करे गिस।