रायपुर एयरपोर्ट म फ्लाइट बढ़ाये बर दूसर रनवे खातिर राज्य सरकार लेही भुंइया : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह निवास कार्यालय म आयोजित बइठक म किहिन के रायपुर एयरपोर्ट म फ्लाइट के संख्या बढ़ाये बर आन रनवे के खातिर राज्य सरकार भूमि आरक्षित करही। येकर खातिर केंद्र ले अनुमति बर प्रयास करे  जाही। ओमन  अधिकारी मनसे किहिन के रायपुर एयरपोर्ट के पास ऐरोसिटी विकास बर प्रक्रिया सुरू करें। मुख्यमंत्री ह बइठक म नगरीय प्रशासन अउ विकास विभाग, नगर अउ गांव निवेश विभाग, घर अउ पर्यावरण, एनआरडीए के बुता के विस्ता्र ले समीक्षा करिस।

मुख्यमंत्री ह नगर अउ गांव निवेश विभाग के  अधिकारी मनले किहिन के अवैध निर्माण के नियमितीकरण के बुता म तेज़ी लाएँ, येकर जनता के बीच बड़का प्रचार प्रसार करें। ओमन किहिन के जनता के सोज लाभ पहुँचाये के खातिर कानून लाने गे हावय। येकर लाभ जादा ले जादा लोगन ल मिले ये सुनिश्चित करे जाए। अवैध निर्माण के नियमितीकरण के खातिर वार्ड स्तर, गांव स्तर म कैंम्प लगाए जाएँ।

नगर अउ गांव निवेश विभाग के मुख्यमंत्री ह निर्देश दे के कॉलोनी के लेआउट अउ रद्दा संरचना के अनुमोदन के काम समय सीमा म पूरा करें। अवैध कॉलोनाइजर म सख़्त कार्यवाही करें। एफ़आईआर दर्ज के जाए। मुख्यमंत्री बघेल ह नया रायपुर म सेवा गांव बनाये के बुता समय सीमा म पूरा करे के निर्देश दिस।

मुख्यमंत्री ह नगरीय निकाय के सड़क मरम्मत के खातिर 147 करोड़ रूपिया जारी करत किहिन के कलेक्टर मन ल सड़क मरम्मत के खातिर एजेंसी चयन के अधिकार होही। ओमन शहर के ख़राब सड़क के मरम्मत तुरते करे के सख्त निर्देश देत किहिन के कलेक्टर अउ निगम आयुक्त स्वयं सड़क बनाये बुता के निरीक्षण करें।

बइठक म मुख्य सचिव अमिताभ जैन, अपर मुख्य सचिव सुब्रत साहू, नगरीय प्रशासन विभाग अउ विकास विभाग के सचिव श्रीमती अलरमेलमंगई डी., मुख्यमंत्री के सचिव सिद्धार्थ कोमल सिंह परदेसी, डॉ. एस. भारतीदासन अउ अंकित आनंद, मुख्यमंत्री के उपसचिव सुश्री सौम्या चौरसिया सहित सम्बंधित विभाग के वरिष्ठ अधिकारी उपस्थित रिहिस।