अंजोर.नारायणपुर। एकलव्य आदर्श आवासीय स्कूल खेल महोत्सव 2022-23 के राज्य स्तरीय खेल प्रतियोगिता बिलासपुर अउ धमतरी म आयोजित होही। जेमा नारायणपुर के एकलव्य आदर्श आवासीय स्कूल छेरीबेड़ा अउ ओरछा के पढ़इया लइका भाग लिस अउ ओमा ले आने-आने खेल विधा मन म एथलेटिक्स म 4, फूटबॉल म 6, कबड्डी म 3, बास्केटबॉल म 5, खो खो म 13, अउ वालीबॉल म 8 कुल 37 खिलाड़ियो के चयन होइस हावय। जेमा 30 पढ़ईया लइका एकलव्य आदर्श आवासीय स्कूल छेरीबेड़ा ले अउ 7 पढ़ईया लइका एकलव्य आदर्श आवासीय स्कूल ओरछा ले हावय।
ये सबो खिलाड़ी राष्ट्रीय स्तर के प्रतियोगिता म भाग ले बर गून्टूर (आँध्र प्रदेश) के खातिर रवाना होइस। राष्ट्रीय स्तर बर चयन होए म जिला के सहायक आयुक्त संजय चंदेल, प्राचार्य नरेन्द्र नाग एकलव्य आ.आ.वि. छेरीबेड़ा, प्राचार्य मयाराम उईके एकलव्य आ.आ.वि. ओरछा, व्यायाम शिक्षक टिकेवर नायक एकलव्य आ. आ.वि. छेरीबेड़ा, व्यायाम शिक्षक मनोज उसेन्डी एकलव्य आ.आ.वि. ओरछा अउ सबो शिक्षक मन ह बधाई दीस अउ इंकर उज्जवल भविष्य के कामना करिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।