 |
| हाट-बाजार क्लिनिक |
अंजोर.अम्बिकापुर। जिला कलेक्टर के निर्देशन म बतौली विकासखंड के बतौली बाजार म लगाए गे मुख्यमंत्री हाट-बाजार क्लिनिक म बाजार करइया 200 गांव वाला ह ईलाज कराईस। ईलाज कराये आए लोगन ल शिविर म स्वास्थ्य जांच करके दवा बांटे गिस।
सीएमएचओ डॉ.पीएस सिसोदिया के मार्गदर्शन म बतौली साप्ताहिक बाजार म मुख्यमंत्री हाट-बाजार क्लिनिक योजना के तहत स्वास्थ्य शिविर के आयोजन करे गिस। ये एक आदिवासी बाहुल्य क्षेत्र हावय जेन जिला मुख्यालय अम्बिकापुर ले लगभग 40 किमी के दूरी म हावय। डॉक्टर के टीम ह शिविर म बीपी, शुगर, एचबी, मलेरिया, डेंगू, वायरल फीवर, सर्दी, खाँसी अउ आन रोग के जांच सह उपचार करिन। शिविर के माध्यम ले लोगन ल फोकट म ईलाज करके दवा बाटे करे गिस। ए मउका म गांव वाला के मौसमी बीमारी ले सावधान रेहे अउ अपन आस-पास साफ-सफाई रखे के अपील तको करिस। स्वास्थ्य विभाग के डहर ले दूरस्थ इलाका म फोकट म स्वास्थ्य शिविर लगे ले ग्रामीण खुश होइस। लोगन के स्वास्थ्य लाभ मुहैया कराइन के खातिर स्वास्थ्य विभाग के कर्मचारी सरलग डटे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।