मुख्यमंत्री भूपेश बघेल अंबागढ़ चौकी के लोगिन ले करिस भेंट-मुलाकात

अंजोर.राजनांदगांव। मुख्यमंत्री भूपेश बघेल खुज्जी विधानसभा के भेंट-मुलाकात कार्यक्रम म छुरिया अउ चिल्हाटी पहुंचिस, लोगन ले मिलिस। ये मउका म ओमन किहिन के भेंट मुलाकात म हमन  अधिकारी मनला केहेन के जमीन म अच्छा काम होना चाही। तेंदूपत्ता भुगतान ले संबंधी काली शिकायत आईस। जेन म 8 दिन के भीतर सबोच सकलइया ले पूरा जानकारी ले जाही अउ जांच होही।

मुख्यमंत्री ह किहिन के एक मुद्दा पानी के आये रिहिस, वो म  अधिकारी मनले जानकारी लिस हावय। हम सरलग रूरल इंडस्ट्रियल पार्क उक योजना मन के माध्यम ले ग्रामीण उद्योग के मजबूत करत हावयं। ए साल धान खरीदी 1 नवंबर ले सुरू होगे हावय। ए बार अरहर, उडद अउ मूंग के तको खरीदी करे जाही।

मुख्यमंत्री ह पैरादान के खातिर अपील करत होइस किहिन के धरती बर अउ पशुधन के खातिर ये बहुत अच्छा हावय। लोगन आत्मानंद स्कूल मांगत हावयं। बैंक मांगत हावयं। योजना अतका हावयं के डीबीटी ले आने आने योजना मन ले पइसा आ जाथे  अउ कई बार लोगन चकित तको हो जात हावयं। येकर ले नक्सलवाद कमजोर होइस हावय।