भानुप्रतापपुर उपचुनाव म सावित्री मंडावी भरिस नामांकन : सभा म मुख्यमंत्री भूपेश बघेल, अमरजीत भगत, मोहम्मद अकबर अउ मोहन मरकाम सहित केऊ नेता

अंजोर.कांकेर। विधानसभा क्षेत्र भानुप्रतापपुर के उप निर्वाचन खातिर मुख्यमंत्री भूपेश बघेल के अगुवाई म श्रीमती सावित्री मंडावी ह कांग्रेस पार्टी कोति ले अपन नामांकन भरिस। जानबा होवय के श्री मंडावी के निधन ले रिता होए सीट बर अवइया 5 दिसम्बर के मतदान होवइया हाबे।

मिले आरो के मुताबिक कांकेर उपचुनाव खातिर श्रीमती सावित्री मंडावी के नामांकन दाखिला बखत मुख्यमंत्री भूपेश बघेल, मंत्री अमरजीत भगत, मंत्री कवासी लखमा, मंत्री मोहम्मद अकबर, संसदीय सचिव शकुंतला साहू संसदीय सचिव विकास उपध्याय अउ प्रदेश कांग्रेस अध्यक्ष मोहन मरकाम मन जुरियाए रिहिन।