भानुप्रतापपुर म विधानसभा उपचुनाव म भाजपा के ब्रम्हानंद नेताम बर समर्थन मांगिस पूर्व मुख्यमंत्री डॉ रमन सिंह

अंजोर.कांकेर। भानुप्रतापपुर म विधानसभा उपचुनाव म दूनो परमुख दल अपन दमखम के संग चुनाव म कुदगे हावय। मिले आरो के मुताबिक भारतीय जनता पार्टी कोति ले ब्रम्हानंद नेताम ल प्रत्यासी बनाये गे हावय। जेन अपन दल के बड़का नेता मनके संग नामांकन भरिस। ये मउका म भानुप्रतापपुर म विशाल नामांकन रैली अउ आमसभा के आयोजन करे गे रिहिस। जेमा ब्रम्हानंद नेताम बर समर्थन मांगे खातिर भाजपा के प्रदेश के अनेक वरिष्ठ नेता अउ पूर्व मुख्यमंत्री डॉ रमन सिंह ह नेताम के पक्ष म मतदान करे के अपील करिस।