हमर ‘कका’ बनही दादा, मुख्यमंत्री भूपेश बघेल दादा बने के खुशी लोगन ले सोशल मीडिया म बांटिस

अंजोर.रायपुर। मुख्यमंत्री भूपेश बघेल ल ‘कका’ के नाव ले छत्तीसगढ़ ही नहीं, अब तो दुनिया ह जाने लगे हावय। प्रदेस म चारो मुड़ा कका जिंदा हे के शोर उड़े हावय। इही बीच दाऊ जी के घर ले बड़का खुशी के आरो मिले हाबे। मिले जानकारी के मुताबिक ओमन अब कका ले ‘दादा’ बनइया हाबे।

ये खुशी ल ओमन सोशल मीडिया म साझा करत लिखे हाबे के- दादा बने के सुख मिलइया हे...। जानबा होवय के मुख्यमंत्री के बेटा चैतन्य बघेल के बिहाव इही साल फरवरी बलौदाबाजार के ख्याति वर्मा के संग होइसे।

दादा बनने का सुख मिलने जा रहा है... pic.twitter.com/1DiTDPBV51

— Bhupesh Baghel (@bhupeshbaghel) November 13, 2022