विश्व मात्स्किीय दिवस के मुख्यमंत्री ह मछरी किसान मनला दीस बधाई

अंजोर.रायपुर। मुख्यमंत्री भूपेश बघेल ह राज्य के मछरी किसान मन अउ मछुआ समाज ल विश्व मात्स्यिकी दिवस के बधाई अउ सुभकामना दीस। मुख्यमंत्री ह अपन संदेश म किहिन हावय के छत्तीसगढ़ लैण्ड लॉक प्रदेस होए के बावजूद तको मछरी बीजहा उत्पादन अउ मछरी उत्पादन म देश म 6 ठऊरे  म हावय। ये हम सबके खातिर गौरव के बात हावय। ओमन किहिन के येकर श्रेय राज्य के मछरी पालक किसान मन अउ मछुआर के हावय। जेन मन अपन लगन अउ मेहनत ले छत्तीसगढ़ राज्य के मछरी पालन के क्षेत्र म देश म अग्रणी ठऊर  दिलाये हावय। 

मुख्यमंत्री भूपेश बघेल ह किहिन के प्रदेस सरकार डहर ले राज्य म मछरी पालन ल बढ़ावा दे के खातिर उंकर सरकार ह कई प्रभावी कदम उठाएं हावयं, ताकि मछरी कारोबार ले जुड़े लोगन के जिनगी म एक सुखद बदलाव लाने जा सके। छत्तीसगढ़ राज्य म मछलीपालन के कृषि के दर्जा दे हावय। मछरी पालन करे वाला किसान मनला अब सामान्य   किसान मनके समान ही सहकारी समिति मन ले बिना ब्याज के सहजता ले करजा उपलब्ध होए लगे हावय। मछरी पालन किसान मनके रियायती दर म विद्युत के तको सुविधा दे जात हावय। मछरी पालन करे वाला लोगन सामाजिक अउ आर्थिक रूप ले आगू बढ़े, इही हमर कोशिश हावय। छत्तीसगढ़ सरकार मछरी पालन किसान मनअउ मछुआरों के बढि़या सुविधा उपलब्ध कराइन के खातिर नवा मछलीपालन नीति तइयार के गे हावय। येकर जरिए मछुआरों के कई रियायतें दे जाये के प्रावधान करे जात हावय, ताकि वो ह अउ बढि़या ढंग ले मछलीपालन करके सकें। राज्य म परंपरागत रूप ले मछलीपालन के ठऊर  म नवा मत्स्यपालन तकनीक के तको बढ़ावा दे जात हावय। राज्य म मात्स्किीय कॉलेज सुरू करिन हावय, ताकि हमर युवा शिक्षा मिले करके मछरी पालन के बढ़ावा दे म अपन योगदान दे सकें अउ इही ल अपनाकर आत्मनिर्भर बन सके।