आयरन लेडी इंदिरा गांधी के दृढ़ इच्छाशक्ति ह भारत ल अंतर्राष्ट्रीय पटल म स्थापित करिस : मुख्यमंत्री भूपेश बघेल

iron lady indira gandhi

अंजोर.रायपुर। मुख्यमंत्री भूपेश बघेल ह भारत के पहिली महिला प्रधानमंत्री भारतरत्न श्रीमती इंदिरा गांधी ल 19 नवम्बर के जयंती म ओला नमन करिन। मुख्यमंत्री ह श्रीमती गांधी के बहुआयामी व्यक्तित्व अउ देश के खातिर उंकर योगदान के सुरता करत किहिन के इंदिरा जी ह अपन पिता पं. जवाहर लाल नेहरू के सानिध्य म नानपन ले राष्ट्रीय स्वाधीनता आंदोलन ल करीब ले देखिस अउ ओमा भाग लिस। ओमन कम उमर म ही बाल चरखा संघ के स्थापना करिस अउ असहयोग आंदोलन के बखत लइका के वानर सेना बनाके सहभागिता करिस। वो ह आजीवन गरीब मन अउ समाज के कमजोर वर्ग के उत्थान के खातिर लगे रिहिस। देश के एकता अउ अखण्डता के रक्षा के खातिर ओमन अपन जिनगी तक न्यौछावर कर दीस। देश म सद्भाव बढ़ाये अउ एकता के भावना ल मजबूत करे के खातिर श्रीमती गांधी के जन्मदिन ल कौमी एकता दिवस के रूप म मनाये जाथे।

श्री बघेल ह किहिन के श्रीमती गांधी ह दूरदृष्टि अउ पक्का इराद के संग देश के नवा दिशा दिस। ओमन देश के तरक्की के खातिर कई कड़े फैसला खातिर इही सेती ओला आयरन लेडी के नाम ले तको जाये जाथे। अपन दृढ़ इच्छाशक्ति ले ओमन चुनौतीपूर्ण परिस्थिति म देश के कुशलतापूर्वक अगुवई करिन अउ भारत के अंतर्राष्ट्रीय पटल म प्रतिष्ठा दिलाइस। उंकर हरित क्रांति कार्यक्रम के सफलता ह देश के खाद्यान्न उत्पादन म आत्मनिर्भर बनाया। प्रधानमंत्री के रुप म ओमन बैंक के राष्ट्रीयकरण, राजाओं के प्रीवीपर्स के समाप्ति जइसे ठोस फइसला लिए। बांग्लादेश के उदय, भारत के परमाणु शक्ति संपन्न राष्ट्र बनना उंकर प्रमुख उपलब्धि थीं। उंकर कार्यकाल मंश भारतीय अंतरिक्ष अनुसंधान संगठन के स्थापना होए अउ पहिली उपग्रह आर्यभट्ट अंतरिक्ष म छोड़ा गे। मुख्यमंत्री ह किहिन के इंदिरा जी के काम अउ उंकर विचार कीमत हम सबला देश सेवा के खातिर प्रेरित करत रइही।