उपभोक्ता मनला जल्दी न्याय मिले : न्यायमूर्ति गौतम चौरड़िया

अंजोर.रायपुर। छत्तीसगढ़ राज्य उपभोक्ता विवाद प्रतितोष आयोग अउ राज्य विधिक प्राधिकरण के समिलहा तत्वाधान म राजधानी के पंडरी म आयोग के कार्यालय म राज्य स्तरीय उपभोक्ता मदद अउ सलाह केन्द्र के सुरू करिन। ए केन्द्र के उद्घाटन आयोग के अध्यक्ष न्यायमूर्ति गौतम चौरड़िया अउ खाद्य विभाग के सचिव टोपश्वर वर्मा के उपस्थिति म आम उपभोक्ता श्रीमती पावर्ती साहू डहर ले करे गिस। ये प्रदेस के पहिली सलाह केन्द्र हावय, जेन राज्य विधिक सेवा प्राधिकरण के अध्यक्ष न्यायमूर्ति गौतम भादुड़ी के सहयोग ले सुरू करे गिस।

ए मउका म उपभोक्ता हित के संवर्धन अउ जागरूकता विषय म आयोजित संगोष्ठी के सम्बोधित करत होइस न्यायमूर्ति चौरड़िया ह किहिन हावय के ए केन्द्र के माध्यम ले उपयोग करइया के उचित मार्गदर्शन सलाह मिल सकही। ओमन किहिन के उपभोक्ता विषय ले जुड़े कानून अउ प्रक्रिया के सरलीकरण करे  जाये के जरूरत  हावय, जेकर ले आम उपभोक्ता अपन बात के इहां रख सके। हमर उद्देश्य हावय के एक उपभोक्ता के उचित समय में, जल्दील न्याय मिले। चौरड़िया ह किहिन के ’उच्चतम न्यायालय के मुख्य न्यायधीश ह किहिन हावय के हमर काम आम लोगन के राहत देना हावय।

ये धियान रखे के हमर ले जुरे जेन तको संस्था मन हावयं, तकलीफ दे के यंत्र न बन जाए’। हमर काम म सेवाभाव होना चाही ताकि आम नागरिक के राहत अउ न्याय मिल सके। ओमन किहिन के ये प्रयास करे जात हावय के शासन के सहयोग ले जल्दीत ले जल्दी् राज्य अउ जिला स्तर म खाली पद के पूरा करे जाए।

खाद्य विभाग के सचिव ह टोपेश्वर वर्मा बताइन के उपभोक्ता आयोग म जरूरत नुसार सबो संसाधन के परिपूर्ण करे के प्रयास करे जात हावय। ओमन किहिन के एक कार्पस फण्ड के स्थापना के जा रेहे हावय, जेमा केन्द्र अउ राज्य सरकार के समिलहा अंशदान होही। ए रकम ले मिले ब्याज के उपयोग उपभोक्ता कानून के जागरूकता अभियान म करिन जाही। छत्तीसगढ़ राज्य उपभोक्ता विवाद प्रतितोष आयोग के रजिस्ट्रार सुश्री उदयलक्ष्मी सिंह परमार ह बताइन के ए केन्द्र के माध्यम ले आम उपयोग करइया के उपभोक्ता मामला ले संबंधित फोकट म सलाह दे जाही। संग ही यदि कोनो उपभोक्ता के कोनो वकील के जरूरत  हावय अउ यदि कोनो रकम ले शुल्क दे म असमर्थ हो त ओला केन्द्र के माध्यम ले मदद दीस जाही।

सुश्री परमार ह बताइन के अब आम उपभोक्ता न्यायालय के अलावा मध्यस्थों के माध्यम ले अपन प्रकरण के निपटारा करके सकही। ये मध्यस्थ समूह म सेवानिवृत्ति न्यायधीश विधिवेत्ता अउ सामाजिक संगठन के प्रतिनिधि सामिल हावयं। कार्यक्रम म उपभोक्ता जागरूकता अभियान ले जुड़े ब्रोशर के विमोचन करे गिस। ए मउका म परिवार न्यायालय के प्रधान न्यायधीश हेमंत श्राफ, बिसेस न्यायधीश हरेन्द्र सिंह टेकाम, जिला विधिक प्राधिकरण के सचिव प्रवीण मिश्रा, जिला बार काउंसिल के उपाध्यक्ष सौरभ शुक्ला, वकील संघ के पहिली सचिव हितेन्द्र तिवारी, अखिल भारतीय गिराहिक पंचायत के राष्ट्रीय कार्यकारणी सदस्य रविकांत जायसवाल अउ छत्तीसगढ़ प्रांत के उपाध्यक्ष डॉ. शोभा पंडित, आयोग के सबो सदस्यगण अउ अधिवक्तागण उपस्थित रिहिस।