नेहरू का भारत डॉटकॉम के वेबसाईट के लोकार्पण करिस मुख्यमंत्री भूपेश बघेल

नेहरू का भारत डॉटकॉम के वेबसाईट के लोकार्पण करिस मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल निवास कार्यालय म भारत के पहिली प्रधानमंत्री भारत रत्न पंडित जवाहरलाल नेहरू के जयंती के मउका म उंकर विचार, व्यक्तित्व अउ कृतित्व म ‘नेहरू का भारत डॉट कॉम’ http://nehrukabharat.com  वेबसाईट के लोकार्पण करिन।

जानबा होवय के पंडित नेहरू के विचार अउ उंकर ’आइडिया ऑफ इंडिया’ ले आम जनता ल परिचित कराये अउ जन-जन तक पहुंचाये के उद्देश्य ले ’पॉलिसी एनालिसिस, रिसर्च एंड नॉलेज फाउंडेशन’ (पार्क फाउंडेशन) डहर ले ये वेबसाइट तइयार कराइन हावय, येकर ले डिजिटल पाक्षिक बुलेटिन तको सुरू करे जात हावय।

ए मउका म खैरागढ़ विधायक श्रीमती यशोदा वर्मा, पार्क फाउण्डेशन के अध्यक्ष उमा प्रकाश ओझा, सचिव जीवेश चौबे, डॉ. राकेश गुप्ता, गौतम बंधोपाध्याय, पवन चन्द्राकर अउ हरजीत जुनेजा तको उपस्थित रिहिस। मुख्यमंत्री बघेल ह पंडित जवाहर लाल नेहरू के विचार के जन-जन तक पहुंचाये के पार्क फाउण्डेशन के प्रयास के सराहना करत फाउण्डेशन के पदाधिकारी मन ल बधाई अउ सुभकामना दीस।

ए वेबसाईट म पंडित नेहरू, स्वतंत्रता संग्राम सेनानी अउ स्वतंत्रता संग्राम म सत्य अउ तथ्यात्मक जानकारियां उपलब्ध होही। ए वेबसाईट के उद्देश्य आम जनता तक सत्य अउ तथ्यात्मक जानकारी उपलब्ध करा के समाज के सबो वर्ग के बीच प्रेम, सौहार्द्र, समरसता, भाईचारा अउ आपसी विश्वास कायम करे हावय।

वेबसाईट म देश के पहिली प्रधानमंत्री अउ स्वप्नदृष्टा पंडित जवाहर लाल नेहरू के “आइडिया ऑफ इंडिया” जेमा उंकर वैश्विक समझ, विश्व बन्धुत्व, मानवतावादी दृष्टि, वैज्ञानिक दृष्टिकोण अउ धर्मनिरपेक्ष सोच के संग संग समावेशी विचारधारा, उंकर प्रगतिशील विचार समाहित हावयं। पंडित जवाहर लाल नेहरू के मानवतावाद, हमर समाज म वैज्ञानिक स्वभाव के बढ़ावा दे के बारे म उंकर गहरी चिंता, उंकर धर्मनिरपेक्षता के प्रति समर्पण अउ हमर देश म लोकतंत्र के कीमत के बनाए रखे के खातिर उंकर प्रासंगिकता सरलग बने हावय। समाज के आधुनिक तर्कसम्मत बनाये के खातिर वैज्ञानिक सोच, धर्मनिरपेक्षता अउ लोकतंत्र के प्रक्रिया डहर ले करार अनिवार्यताओं म विस्तार ले काम करे होही। ’नेहरू के भारत डॉटकॉम’ वेबसाईट के ये विचार ले आम जनता के अवगत कराये म प्रभावी भूमिका होही।

ए वेबसाइट के उद्देश्य पंडित नेहरू, देश के स्वतंत्रता सेनानी अउ स्वतंत्रता संग्राम के सत्य अउ तथ्यात्मक जानकारियों ले आमजन के अवगत कराना, समाज म प्रेम, सौहार्द्र, सामाजिक समरसता अउ आपसी विश्वास कायम करना। पंडित नेहरू के ’आइडिया ऑफ इंडिया’ अउ संविधानवाद के संरक्षण करे हावय।