नई दिल्ली के प्रगति मैदान के अंतर्राष्ट्रीय व्यापार मेला के छत्तीसगढ़ पवेलियन पहुंचिस पर्यटन मंत्री ताम्रध्वज साहू

अंजोर.रायपुर। प्रगति मैदान म आयोजित अंतर्राष्ट्रीय व्यापार मेला म लगाए गे छत्तीसगढ़ पवेलियन अभी के बेरा म देश अउ बिदेस के लोगन के खातिर आकर्षण के केंद्र बने हावय। छत्तीसगढ़ पवेलियन म ‘गढ़बो नवा छत्तीसगढ़’ के झलक देखे ल मिलत हावय। छत्तीसगढ़ पवेलियन म छत्तीसगढ़ पर्यटन विभाग ह तको अपन स्टाल लगाये हावय।

छत्तीसगढ़ पैवेलियन म छत्तीसगढ़ के लोक निर्माण, गृह, पर्यटन अउ धर्मस्व मंत्री ताम्रध्वज साहू ह विभागीय  अधिकारी मनके संग छत्तीसगढ़ टूरिज्म के स्टॉल के जायजा लिस अउ प्रदर्शित परियोजना के अवलोकन करत उंकर जानकारी लिस।

अंतर्राष्ट्रीय व्यापार मेला म छत्तीसगढ़ पवेलियन म मजबूत ग्रामीण अर्थव्यवस्था अउ आत्मनिर्भरता के तनि बाढ़त छत्तीसगढ़ ल दिखाये के प्रयास करे गे हावय। इहाँ प्रदर्शनी बोर्ड के माध्यम ले अवइया के छत्तीसगढ़ के ग्रामीण अर्थव्यवस्था के नवा दिशा दे वाला योजना मन के जानकारी दीस हावय। ए मंच ले छतीसगढ़ के संस्कृति अउ सभ्यता के संग इहाँ के पर्यटन के वैश्विक पहचान मिलत हावय। छत्तीसगढ़ पवेलियन म इहां के कला, संस्कृति, सभ्यता अउ परंपरा के परिभाषा ल हर तरीका ले परिभाषित करे जात हावय।

छत्तीसगढ़ पवेलियन म सी-मार्ट के स्टॉल लगे हावय। सी मार्ट ग्रामीण अर्थव्यवस्था के तेजी ले विकास के खातिर गांव म तइयार जिनिस के शहर ले जोड़े के पहल करे गे हावय। इहाँ महिला स्व मदद समूह, शिल्पी, बुनकर अउ आन पारंपरिक अउ कुटीर उद्योग डहर ले बने जिनिस ल बेचे जाथे। पवेलियन म तको ए स्टाल म आने-आने जिनिस के खरीदी करे जा सकत हावय।

पवेलियन म छत्तीसगढ़ के कला अउ संस्कृति ले जुड़े होइस जिनिस के बखूबी डिस्प्ले करे गे हावय। छत्तीसगढ़ के जनजाति समुदाय डहर ले हाथ ले बनाये गे शिल्प वस्तु, कलाकृति, चित्रकारी, परिधान के प्रदर्शनी लगाये गे हावय। इहाँ बुनकर राज्य के खास पहचान कोसा सिल्क के साड़ी लेके पहुंचिस हावयं। येकर अलावा विश्व परसिध शिल्पकारी बेलमेटल, ढोकरा अउ गोदना आर्ट के प्रस्तुत करे जात हावय।