शीतला माता मंदिर म पूजा-अर्चना करके प्रदेशवासी के सुख-समृद्धि के ख़ुशहाली के कामना करिस मुख्यमंत्री भूपेश बघेल

अंजोर.राजनांदगांव। मुख्यमंत्री भूपेश बघेल भेंट-मुलाकात कार्यक्रम के खातिर राजनांदगांव विधानसभा क्षेत्र के गांव पंचायत सुरगी पहुंचिस। मुख्यमंत्री बघेल ह गांव पंचायत सुरगी म महतारी शीतला मंदिर म पूजा करके प्रदेसवासी के सुख-समृद्धि अउ ख़ुशहाली के कामना करिस। छत्तीसगढ़ म शीतला महतारी के बिसेस महत्ता अउ आस्था हावय। गांव म कोनो तको शुभ अउ मंगल बुता माता शीतला के पूजा करके के जात हावय। छत्तीसगढ़ म बिसेस आस्था के संग शीतला महतारी के पूजा के जात हावय। गांव म अइसे मान्यता हावय के शीतला माता के पूजा करे ले गांव म कोनो रकम ले के बीमारी या प्राकृतिक प्रकोप नइ आवे। माता शीतला गांव के रक्षा करत हावय। ए विश्वास के संग गांव म महतारी शीतला के बिसेस महत्ता होवत  हावय।