फर्जी अंकसूची ले नौकरी करइया कर्मचारी प्रदीप कुमार माथुर बर्खास्त

अंजोर.बिलासपुर। फर्जी अंकसूची ले सरकारी नौकरी हथियाने वाला कर्मचारी ल सेवा ले बर्खास्त करके दे हावय। मामला आयुर्वेद विभाग के कोटा सामुदायिक स्वास्थ्य केन्द्र के हावय। औषधालय सेवक के पद म प्रदीप कुमार माथुर पिता जमुना प्रसाद माथुर ह साल 2013 म फर्जी अंकसूची के जरिए नौकरी पाये रिहिस। ओमन नौकरी के खातिर दिये गे आवेदन म पहिली माध्यमिक समतुल्यता परमान पाती परीक्षा 2008 के शैक्षणिक योग्यता परमान पाती प्रस्तुत करे रिहिस। उंकर रोल नम्बर 58564 रिहिस अउ ओला पूर्णांक 500 म 485 अंक हासिल करे रिहिस। उंकर मार्कशीट के जारी करे वाला संस्था जिला परियोजना अधिकारी जिला साक्षरता मिशन प्राधिकरण कोरबा ले सत्यापन कराइन गे। उंकर रिकार्ड म ये नाम अउ रोल नम्बर दर्ज नइ होए के सेती ओमन मार्कशीट के फर्जी करार दे। लिहाजा छत्तीसगढ़ सिविल सेवा (वर्गीकरण, रोकथाम अउ अपील) नियम 1966 के प्रावधान के मुताबिक आरोप सिद्ध होए म जिला आयुर्वेद अधिकारी ह 21 नवम्बर के प्रदीप कुमार माथुर ल सरकारी सेवा ले बर्खास्त करे के आदेश जारी करे हावय।