अंजोर.रायपुर। इन्द्रावती टायगर रिजर्व बीजापुर के गांव परिक्षेत्र मददेड़ बफर के अन्तर्गत गांव चेरपल्ली म पाछु दिन पाए गे तेन्दुए के दुनों शावक ल जंगल सफारी (जू) रायपुर म रखे गे हावय। तेन्दुए के दुनों शावक के पशु डॉक्टर ले परीक्षण कराइन अउ परीक्षण म दुनों शावक स्वस्थ्य पाए गिस।
जानबा होवय के 12 नवम्बर संझा के इन्द्रावती टायगर रिजर्व ले स्थानीय गांव वाला ह तेन्दुए के दू शावक के कुकुर ले बचाके गांव चेरपल्ली म लाने गिस अउ गांव वाला के डहर ले येकर सूचना स्थानीय टायगर रिजर्व के वन अमला के दीस। सूचना होवत ही उप निदेशक गणवीर धम्मशील अपन वन अमला के संग गांव चेरपल्ली पहुंच के स्थानीय गांव वाला ले शावक के संबंध म विस्तार ले जानकारी लिस।
तेन्दुए के दू शावक ल देख अइसे प्रतीत होइस के दुनों शावक के दू या तीन तीन पहिली जनम होइस हावय। ए संबंध म प्रधान मुख्य वन संरक्षक (वन्यप्राणी) रायपुर अउ मुख्य वन संरक्षक (वन्यजीवन) जगदलपुर के येकर सूचना दीस गे, जेमा दुनों शावकों के उंकर महतारी के पास छोड़ने बर निर्देश मिले होइस। तेन्दुए के दुनों शावकों के उही संझा भोपालपटनम के लोक बनाये विभाग के विश्राम गृह म लाने जाके स्थानीय पशु डॉक्टर ले परीक्षण कराइन गे अउ परीक्षण म दुनों शावक स्वस्थ पाए गे। पशु डॉक्टर डहर ले दुनों शावक के परीक्षण बाद मादा के रूप म पहचान करे गिस।
वन अमला के डहर ले दुनों शावक के रातभर जरूरी देखभाल करे अउ 12 नवम्बर के बिहनिया चेरपल्ली के स्थानीय गांव वाला के मदद ले कक्ष क्रमांक 773 मद्देड़ परिसर म सुरक्षित ले जाये गिस अउ जेन ठऊर ले शावक ल लाने गे रिहिस उही ठऊर म निगरानी म रखे गिस ताकि ओला उंकर महतारी तेंदुए ले मिलवायक जा सके। निगरानी के खातिर उही ठऊर म 5 कैमरा ट्रैप तको लगाये गे जेकर ले उंकर महतारी के अवइया-जवइया के पता चल सके।
लगातार 2 दिन मिले ने के प्रयास सफल नइ होए म ए संबंध म प्रधान मुख्य वन संरक्षक (वन्यप्राणी) रायपुर अउ मुख्य वन संरक्षक (वन्यजीवन) जगदलपुर के येकर सूचना देके दुनों शावकों के जंगल सफारी (जू) रायपुर म छोड़ने के निर्देश करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।