शाला प्रबंधन समिति के संकुल स्तरीय प्रशिक्षण अउ स्कूल स्तरीय प्रशिक्षण

संकुल स्तरीय प्रशिक्षण

अंजोर.रायपुर। राज्य म प्रारंभिक स्तर के स्कूल मन म गठित स्कूल प्रबंधन समिति के सदस्य मन के प्रशिक्षण के खातिर समय-सारणी जारी करे गे हावय। करार समय-सारणी मुताबिक संकुल स्तरीय स्त्रोत दल के दू दिवसीय प्रशिक्षण 22 अउ 23 नवंबर के अउ स्कूल स्तरीय प्रशिक्षण 29 अउ 30 नवंबर के दे जाही। प्रबंध संचालक समग्र शिक्षा ह सबो जिला मिशन समन्वयक, जिला परियोजना कार्यालय के करार तिथि मुताबिक प्रशिक्षण कार्यक्रम संपन्न कराये के निर्देश दे हावय।   

संकुल स्तरीय स्त्रोत दल के दू दिवसीय प्रशिक्षण सबोच स्कूल ले दो-दो व्यक्ति, जेमा एक प्रधान पाठक या प्रशिक्षण दे म कुशल शिक्षक या स्कूल प्रबंधन समिति (एसएमसी) के सदस्य जेन प्रशिक्षण दे के इच्छुक हो के संकुल मुख्यालय म मास्टर टेªनर्स के रूप म 21 ले 23 नवंबर तक दू दिवसीय प्रशिक्षण दे जाही। ये प्रशिक्षण जिला स्तरीय स्त्रोत दल डहर ले दे जाही। प्रशिक्षण म राज्य साक्षरता मिशल के सहभागिता रइही। इही रकम ले स्कूल स्तर म एसएमसी सदस्य मन के दू दिवसीय प्रशिक्षण स्कूल म गठित स्कूल प्रबंधन समिति (एसएमसी) के सबो सदस्य मन के संकुल स्तर म प्रशिक्षण मास्टर ट्रेनर्स डहर ले 29 अउ 30 नवंबर के दे जाही। जानबा होवय के राज्य स्तरीय अउ जिला स्तर स्त्रोत दल के दू दिवसीय प्रशिक्षण दे जा चुके हावय।