 |
| छत्तीसगढ़िया ओलम्पिक 2022 |
अंजोर.रायपुर। छत्तीसगढ़ी लोक खेल के संरक्षण अउ ओला बढ़ावा दे के खातिर आयोजित छत्तीसगढ़िया ओलम्पिक खेल के दूसरा चरण रायपुर जिला म सुरू होगे हावय। आज पंचायत अउ ग्रामीण विकास मंत्री अउ जिला के प्रभारी मंत्री रविन्द्र चौबे ह छत्तीसगढ़िया ओलम्पिक के तहत जिला स्तरीय प्रतिस्पर्धा के स्थानीय सुभाष स्टेडियम म सुरू करिन। ए मउका म चौबे ह किहिन के मुख्यमंत्री बघेल ह ए खेल आयोजन ले छत्तीसगढ़ के पारंपरिक खेल ल बचाये अउ ओला विश्व स्तर म नवा पहचान देवाये के प्रयास करे हावय। चौबे ह किहिन ए आयोजन के सफलता, गांव-गांव म बड़े संख्या म बच्चे, युवा, बुजुर्ग के एमे सामिल होए ले ही सिद्ध हो गे हावय। छत्तीसगढ़वासी के खातिर ये गजब ही सुखद पल हावय। पंचायत मंत्री ह जिला स्तरीय ए प्रतियोगिता म सामिल हो सबो खिलाड़ी अउ प्रदेस वासी के बधाई अउ सुभकामना दीस।
ए मउका म नगर निगम रायपुर के महापौर एजाज ढेबर, बीरगांव नगर निगम के महापौर नंद लाल देवांगन, छत्तीसगढ़ योग आयोग के अध्यक्ष ज्ञानेश शर्मा, सहकारी बैंक के अध्यक्ष पंकज शर्मा, कलेक्टर डॉ. सर्वेश्वर भुरे सहित जिला पंचायत के सीईओ आकाश छिकारा, गणमान्य जनप्रतिनिधि अउ स्कूली छात्र-पढ़इया लइका तको मौजूद रिहिनं।
कलेक्टर डॉ. सर्वेश्वर भुरे ह आयोजन के जानकारी देत किहिन के मुख्यमंत्री भूपेश बघेल के मंशानुसार छत्तीसगढ़िया ओलम्पिक खेल के आयोजन 6 अक्टूबर ले जारी हावय। ये खेल के खातिर पूरा जिला के 6 जोन म बांटा गे रिहिस। जोन स्तरीय खेल म विजेता मन के अब जिला स्तरीय प्रतियोगिता म भाग ले के मउका मिलत हावय। कलेक्टर ह बताइन के जिला स्तरीय प्रतियोगिता 25 नवम्बर तक चलेंगी। ये खेल म विजेता मन के प्रशस्ति पाती तको दे जाही। जिला स्तरीय विजेता राज्य स्तर के प्रतिस्पर्धा म भाग ले सकही।
चौदह खेल, तीन मैदान, चौदह सौ खिलाड़ी- ए प्रतियोगिता म अब जोन स्तर के विजेता मन के बीच 14 खेल म मुकाबला होही। रायपुर जिला स्तरीय ये खेल प्रतियोगिता तीन बड़े मैदान म आयोजित होत हावय। नेताजी सुभाष स्टेडियम म कबड्डी, बांटी, पिट्ठूल, बिल्लस, फुगड़ी, गेड़ी दौड़ अउ भौरा चलाने के प्रतियोगिता होत हावय। सप्रे स्कूल मैदान म खो-खो, गिल्ली डण्डा अउ रस्सा खींच के प्रतियोगिता होत हावय। 100 मीटर के दौड़, लम्बी कूद, लंगड़ी अउ संखली खेल के प्रतिस्पर्धाएं स्वामी विवेकानंद स्टेडियम कोटा म होत हावय। ये खेल म लगभग एक हजार चार सौ खिलाड़ी सामिल होत हावयं।
 |
| छत्तीसगढ़िया ओलम्पिक |
 |
| छत्तीसगढ़िया ओलम्पिक |
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।