नगर सेना परिसर ग्राउंड पर्री म होइस अग्निवीर भरती प्रशिक्षण, युवा म सैनिक बने भारी उत्साह

अंजोर.सूरजपुर। जिला प्रशासन के पहल ले 19 नवंबर ले 24 नवंबर तक जिला के युवा मन ल रोजगार उपलब्ध कराये खातिर कलेक्टर सुश्री इफ्फत आरा ह जिला नगर सेना परिसर ग्राउंड पर्री म निशुल्क प्रशिक्षण के आयोजन करिन, जेकर ले युवा मन ल सैनिक बने के मउका मिलही। प्रशिक्षण मिले युवा मन ल कोनो रकम ले के परेशानी नी हो धियान म रखत लाइवलीहुड कॉलेज म आवासीय अउ भोजन सुविधा दे गे हावय। प्रशिक्षण के पहिली दिन युवा मन म सैनिक बने के भारी उत्साह देखे ल मिलत हावय लगभग 50 युवा प्रशिक्षण के पहिली सत्र म सामिल होइस प्रशिक्षण बाद प्रशिक्षित युवा 1 दिसंबर ले 13 दिसंबर 2022 तक चले वाला अग्निवीर भरती रैली म सामिल होही।

सेवानिवृत्त सैनिक डहर ले दे जात हावय प्रशिक्षण

जिला के युवा मन ल रोजगार उपलब्ध कराये अउ जादा ले जादा सिलेक्शन होए खातिर सेवानिवृत्त सैनिक रविंद्र सिंह, सुशील सिंह प्रशिक्षक के डहर ले दौड़, लंबी कूद ऊंची कूद अउ आन शारीरिक व्यायाम करा करके सैनिक म चयन होए के खातिर टिप्स दे जात हावयं। पहिली प्रशिक्षण सत्र के बखत दौरान जिला रोजगार अधिकारी एमआर जयसवाल, लाइवलीहुड कार्यालय सहायक नवा साहू, रविंद्र सिंह, सुशील सिंह प्रशिक्षक मौजूद रिहिस।