मंत्री डॉ. शिवकुमार डहरिया ह गिल्ली मारके ग्राम गुल्लू म सुरू करिस ब्लाक स्तरीय छत्तीसगढ़िया ओलंपिक

अंजोर.रायपुर, आरंग विकासखण्ड के गांव गुल्लू म इतवार के ब्लाक स्तरीय छत्तीसगढ़िया ओलंपिक के आयोजन करे गिस। जेमा प्रदेस के नगरीय प्रशासन, विकास अउ श्रम मंत्री डॉ.शिवकुमार डहरिया पहुना के रूप म सामिल होइन। छत्तीसगढ़िया ओलंपिक के ब्लाक स्तरीय कार्यक्रम के संबोधित करत मंत्री डॉ. डहरिया ह किहिन के मनुष्य के जीवन म खेल बहुत महत्ता हावय। खेल ले ही तन अउ मन दुनों स्वास्थ्य रहय हावय अउ ऊर्जा के संचार होवत हावय। संग ही प्रतिभावान खिलाड़ी के खेल के माध्यम ले अपन प्रतिभा दिखाये के मउका तको मिलत हावय। खेल के माध्यम ले खिलाड़ी के मान सम्मान मिले होवत हावय। इही सेती लइका के बचपन ले ही आने-आने रकम ले के खेल ले परिचित कराना चाही संग ही खेल के प्रति ओमा रुचि तको उपजाये के प्रयास करे जाना चाही।

इही उद्देश्य के लेके प्रदेस के भूपेश सरकार पूरा छत्तीसगढ़ म छत्तीसगढ़िया ओलंपिक के गांव स्तर ले सुरू करिन हावय, जेकर ले गांव के प्रतिभावान खिलाड़ी के प्रदेस अउ देश स्तर म अपन प्रतिभा दिखाने के मउका मिले हो सके। प्रतियोगिता म भाग ले रिहिन सबो खिलाड़ी के मंत्री डॉ.शिवकुमार डहरिया ह उत्साहवर्धन करत हर खेल म बढ़-चढ़ करके भाग ले के आह्वान तको करिन।

जानबा होवय के छत्तीसगढ़ शासन के डहर ले छत्तीसगढ़िया ओलंपिक खेल महाकुंभ के पूरा प्रदेस भर म आयोजन करे जात हावय। गांव पंचायत स्तर ले सुरू ए खेल के प्रदेस स्तर तक खेला जाही, जेमा 18 उमर वर्ग तक के महिला मन अउ पुरुषों के खातिर 14 रकम ले के खेल आयोजन करे जात हावय। उही रकम ले 18 ले 40 उमर वर्ग के महिला अउ पुरुष के खातिर तको 14 रकम ले के खेल के आयोजन करे जात हावय। गांव पंचायत स्तर म छत्तीसगढ़िया ओलंपिक खेल के सफल आयोजन के बाद गांव पंचायत स्तर के विजेता खिलाड़ी के जोन स्तर म खेलने के मउका मिले  अउ जोन स्तर म विजेता खिलाड़ी के चयन ब्लाक स्तर म खेलने के खातिर होइस हावय। 

कार्यक्रम म प्रमुख रूप ले खिलेश्वर देवांगन अध्यक्ष जनपद पंचायत आरंग, ब्लाक कांग्रेस अध्यक्ष कोमल सिंह साहू, केशरी मोहन साहू, दुर्गा राय, तारा ढीढी सरपंच, भारती चंद्राकार, यादराम साहू, दिनेश ठाकुर, राहुल कुर्रे, शिव साहू, नंदू साहू, शिक्षा विभाग अउ पंचायत विभाग के अधिकारी कर्मचारी सहित खेल भाग लेवइया अउ ग्रामीणजन उपस्थित रिहिस।