इंडोनेशिया अउ मलेशिया के पॉम अब छत्तीसगढ़ म होवथे लोकप्रिय

अंजोर.रायपुर, इंडोनेशिया अउ मलेशिया म पॉम के खेती बड़े पैमाना म करे जात हावय। येकर  पॉम ऑयल खाद्य तेल के रूप म इस्तेमाल करे जाथें। छत्तीसगढ़ के भौगोलिक स्थिति अउ जलवायु पाम के खेती के खातिर उपयुक्त हावय। राज्य म येकर खेती के विपुल संभावना ल देखत येकर खेती के बढ़ावा दे जात हावय।

पॉम ऑयल के खाद्य तेल के अलावा ये कास्मेटिक जिनिस बनाये के खातिर तको उपयोग करे जाथे। अभी तक हमर देश म पॉम ऑयल बिदेस ले आयात करे जात हावय। बीते कुछ साल म हमर देश म येकर खेती होत हावय। छत्तीसगढ़ म येकर अच्छा संभावना हावय, इही ल देखत उद्यानिकी विभाग डहर ले पॉम ऑयल के खेती म फोकस करे जात हावय। येकर ले फसल विविधिकरण के संग किसान मन के आमदनी बढ़ाये म मदद मिलही।

पॉम ऑयल के खेती के प्रति किसान मन अउ आम लोगन म जागरूकता के खातिर राजधानी रायपुर के साइंस कॉलेज मैदान म उद्यानिकी विभाग के स्टॉल म मुख्य रूप ले पॉम ऑयल के खेती ल दर्शाये गे हावय। छत्तीसगढ़ के जलवायु येकर खेती के खातिर अनुकूल होए के सेती महासमुंद, बालोद, कोरबा, कांकेर क्षेत्र म येकर खेती के जा रही हावय। राज्य म पॉम ऑयल के खेती 7187 हेक्टेयर म के जाथे अउ येकर रकबा सरलग बाढ़त जात हावयं। अभी के बेरा म छत्तीसगढ़ म 467.65 मिटरिक टन पॉम ऑयल के उत्पादन होवत हाबे। एमे अउ बड़वार के संभावना हावय। उद्यानिकी विभाग के स्टॉल म ऑयल पॉम के खेती ले जुड़े आने-आने पहलु के प्रदर्शित करे गे हावय। पौधा रोपण के आने-आने अवस्थाओं, अंतर्वतीय फसलें, हारवेस्टिंग, कलेक्शन सेंटर अउ ऑयल पॉम के आने-आने जिनिस के बारे म जानकारी दीस गे हावय।

जानबा हावय के ऑयल पॉम के पौधा के जीवन काल 30 साल होवत  येकर उत्पादन रोपण के तीन साल के बाद सुरू होवत हावय जेन एक साल म 15 ले 30 टन प्रति हेक्टेयर उत्पादन होवत  हावय। संग ही 4 ले 6 टन ऑयल के उत्पादन प्रति साल होही। येकर ले किसान के औसतन डेढ़ ले ढाई लाख रूपिया आय होही। ऑयल पॉम के खेती म शासन डहर ले रोपण सामान म 20 हजार रूपिया अउ रखरखाव अउ अंर्तवर्तीय फसल म 4 साल तक 5250 रूपिया प्रति साल के अनुदान दे जात हावय।