मितानिन सम्मान दिवस : स्वास्थ्य सुविधा ल आखरी छोर तक पहुंचाये म अहम योगदान ल सलाम, कलेक्ट्रेट सभाकक्ष म होइस मितानिन सम्मान

मितानिन सम्मान दिवस 

अंजोर.कोरिया। मितानिन सम्मान दिवस के मउका म कलेक्टर विनय कुमार लंगेह ह कलेक्ट्रेट सभाकक्ष म मितानिन दीदी के संघर्ष, साहस अउ सहयोग के सराहना करत ओला पुष्पगुच्छ अउ बैग देके सम्मान करिन। ओमन स्वास्थ्य सुविधा के गांव स्तर म पहुंचाये म मितानिन मन के योगदान म ओला बधाई दीस अउ इही रकम ले बढि़या काम करे बर प्रोत्साहित करिन। ए मउका म मौजूद सीईओ जिला पंचायत श्रीमती नम्रता जैन ह तको मितानिन दीदी के उत्साह वर्धन करिन।

कलेक्टर ह ए बखत कोविड महामारी के भयावह स्थिति अउ वो दौर म मितानिन दीदी के योगदान म बात करिस। ओमन किहिन के कोविड के बखत मितानिन मन डहर ले गांव-गांव जाके दवई बाटे अउ टीकाकरण के प्रति लोगन के जागरूक करे म जेन अथक मेहनत के सराहनीय हावय। ए बीच कार्यक्रम म मौजूद मितानिन मन ह अपन अनुभव तको साझा करिस। ओमन बताइन के शुरुआत म गजब दिक्कतों के सामना करे पड़ा। ग्रामीण महिला मन के घर ले बाहिर निकल करके काम करना, दूरस्थ क्षेत्र म जाना काफी संघर्ष करे पड़ता रिहिस। म बढि़या काम करके पाये के खुशी तको होवत हावय।

कलेक्टर लंगेह ह मितानिन दीदी ले ग्रामीण स्तर म जादा ले जादा लोगन तक स्वास्थ्य सुविधा पहुंचाये के संबंध म तको सुझाव लिस। जिसपर मानसिक रोग के संबंध म ब्लॉक स्तर म तको काउंसलिंग सुरू करे के सुझाव मितानिन मन ह रखे। कलेक्टर ह ए म सीएमएचओ के निर्देशित करिन के डॉक्टर मन के खातिर कार्यशाला आयोजित करके प्रशिक्षण दे जाए जेकर ले डिप्रेशन, स्ट्रेस ले जूझ रिहिन लोगन के काउंसलिंग ब्लॉक स्तर म सुरू के जा सके। कलेक्टर ह अवइया दिसंबर महीना म एनीमिया मुक्त कोरिया अभियान के आन चरण म सहयोग करे बर तको मितानिन दीदी ले अपील करिस।