अंजोर.रायपुर, मुख्यमंत्री भूपेश बघेल अपन भेंट मुलाकात म खुज्जी विधानसभा के छुरिया म पहुंचिस। उहां मुखिया जी लोगन ले गोठबात करत कई घोसना तको करिस।
1. छुरिया के माँ दंतेश्वरी मंदिर के जीर्णोद्धार अउ सौंदर्यीकरण करे जाही।
2. मरकाकसा ले जोब तक सड़क बनाये जाही।
3. उमरवाही अउ गेंदाटोला म सेक्टर स्तरीय महिला प्रशिक्षण भवन बनवाये जाही।
4. तेलिनबांधा अउ झिथराटोला के हाईस्कूल ल हायर सेकेंडरी म उन्नयन करे जाही।
5. गांव हालेकोसा के आश्रित गांव कोलिहाटोला ले स्कूल पहुंच रद्दा के बीच नाला म पुलिया बनाये जाही।
6. नेशनल हाईवे क्र. 06 सड़क चिरचारी ले जोब तक सड़क के मजबूतीकरण के बुता जाही।
7. गांव भंडारीभरदा जलाशय के जीर्णोद्धार अउ नहर लाइनिंग बुता के प्रशासकीय स्वीकृति दे जाही।
8. नगर पंचायत म विकास बुता के खातिर 1 करोड़ के घोसना।
9. उमरदा ल तहसील के दर्जा दे के घोसना करिस।
ये मउका म ओमन किहिन के हम विधानसभा म कानून बनात हावन अउ मंत्रालय म योजना अउ उंकर नियम बनाथे। छत्तीसगढ़ म हमर सरकार के बने चार साल हावयं, जेमे ले दू साल कोरोना म बीत गे। ये चार साल के बखत राज्य सरकार डहर ले लागू करे गे योजना मन के ज़मीनी स्तर म क्रियान्वयन होइस हावय या नइ जाने के खातिर मैंने प्रदेशव्यापी भेंट-मुलाक़ात अभियान के शुरुआत के हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।