अंबागढ़ चौकी म स्वामी आत्मानंद इंग्लिश मीडियम स्कूल के लोकार्पण करिन मुख्यमंत्री भूपेश बघेल

अंबागढ़ चौकी स्वामी आत्मानंद इंग्लिश मीडियम स्कूल

अंजोर.रायपुर। मुख्यमंत्री भूपेश बघेल ह मोहला मानपुर अंबागढ़ चौकी जिला के खुज्जी विधानसभा क्षेत्र ले भेंट मुलाकात कार्यक्रम म अंबागढ़ चौकी म स्वामी आत्मानंद इंग्लिश मीडियम स्कूल के लोकार्पण करिन। मुख्यमंत्री बघेल के इहां पहुंचे म स्कूली पढ़ईया लइका ह उत्साह मन ले स्वागत करिन। मुख्यमंत्री के लइका ह आने-आने रकम ले परिधान अउ भेषभूषा म लबरेज होके स्वागत करिन। मुख्यमंत्री ह स्कूल म स्थापित संसाधन अउ सुविधा के मुआयना करिन। मुख्यमंत्री ह कक्षा नवमी के 97 पढ़इया लइका के मुख्यमंत्री सरस्वती साइकल योजना के तहत साईकल बांटिस। मुख्यमंत्री के हाथ साईंकल पाके पढ़इया लइका काफी उत्साहित अउ खुश नजर आइस। मुख्यमंत्री ह पढ़ईया लइका ल अपन आशीर्वाद अउ संदेश देत किहिन के लगन अउ मन ले पढ़ाई करें। पढ़ई जिनगी ही पूरा जिनगी के आधार होवत हावय।

मुख्यमंत्री ह ए मउका म किहिन के एक निश्चित लक्ष्य करार करके ओला पाये के खातिर संकल्पित रहन। जब तक लक्ष्य हासिल नी हो जाए, तब तक पाछु मुड़के नी देखें। मुख्यमंत्री ह किहिन के महापुरुष के जीवनी ले प्रेरणा लें, अपन जिनगी म उतारे अउ कामयाबी के रद्दा प्रशस्त करें। जानबा होवय के ए स्वामी आत्मानंद इंग्लिश मीडियम म ए साल 573 पढ़ईया पढ़इया लइका के प्रवेश दे हावय। एमे 300 पढ़इया लइका ह प्रवेश ले हावय।