तेल अउ तिलहन भंडारण सीमा के आदेश म संशोधन

अंजोर.नई दिल्ली, भारत सरकार ह देश म खाद्य तेल के घरेलू कीमत ल कम अउ स्थिर बनाये रखे के सतत प्रयास म एक ऐतिहासिक आदेश जारी करिस। लाइसेंसिंग जरूरत, भंडारण सीमा अउ आवाजाही प्रतिबंध ल हटाये के माध्यम ले तेल अउ तिलहन म स्टॉक सीमा लगाये के खातिर ये आदेश लाये गे हावय। निर्दिष्ट खाद्य पदार्थ (संशोधन) आदेश, 2021 दिनांक 08.10.2021 ले प्रभावी रिहिस। ए आदेश के तहत, संबंधित राज्य/केंद्र शासित प्रदेस मन डहर ले तेल अउ तिलहन के उपलब्ध स्टॉक अउ संबंधित राज्य/केंद्र शासित प्रदेस के खपत पैटर्न के आधार म एमन ल भंडारण सीमा तय करे के खातिर छोड़ दे गे रिहिस। येकर बाद, सबो राज्य अउ केंद्र शासित प्रदेस मन के खातिर खाद्य तेल अउ तिलहन म स्टॉक सीमा मात्रा समान रूप ले करार करे गे रिहिस अउ ए आदेश के दिनांक 3 फरवरी, 2022 के आर्डर डहर ले 30 जून, 2022 तक बढ़ा दे रिहिस।

भंडारण सीमा आदेश देश म अंतरराष्ट्रीय अउ घरेलू दुनों रकम ले के बाजार म खाद्य तेल के बढ़त कीमत के सेती लगाये गे रिहिस। येकर उच्च अस्थिरता वो समय जमाखोरी, मुनाफाखोरी अउ कालाबाजारी के बढ़ावा दे रिहिस। सरकार डहर ले समय रहत हस्तक्षेप करे ले आसमान छूती कीमत म भारी गिरावट आये रिहिस अउ जमाखोरी, विशेषकर सोयाबीन के बीज म रोकथाम रखे म बड़ मदद मिले रिहिस।

थोक बेचइया मन अउ खुदरा बेचइया मन के खातिर स्टॉक के लिमिट साल 2008 म लगाए गे भंडारण के दायरे म निर्दिष्ट सीमा म आधारित रिहिस अउ मात्रा सीमित रखे के ये एक समझदारी भरे फइसला रिहिस। येकर अलावा, वो समय विस्ता्र ले श्रृंखला के खुदरा बेचइया मौजूद नइ रिहिस या अभी के बेरा के तुलना म उंकर कोनो बड़का भूमिका तको नइ रिहिस।

ए समय प्रमुख खाद्य तेल के कीमत के स्थिति म अब धीरे-धीरे बदलाव देखे ल मिलत हावय, अइसे इही सेती तको हावय काबर के अंतरराष्ट्रीय बाजार के संग-साथ घरेलू उपलब्धता के खातिर तको खाद्य तेल के कीमत म काफी गिरावट आये हावय, येकर खातिर खाद्य विभाग डहर ले स्टॉक सीमा आदेश के समीक्षा करे गे रिहिस। विस्ता्र ले श्रृंखला के खुदरा बेचइया मन अउ थोक व्यापारियों के स्टॉक रोकथाम आदेश ले छूट दे के जरूरत  महसूस के जात रिहिस काबर के ए रकम ले के खबर आत रिहिसं के रोकथाम आदेश के सेती थोक बेचइया मन अउ बड़का श्रृंखला के खुदरा दुकान के उंकर बिक्री म समस्या के सामना करना पड़त रिहिस। येकर प्रमुख सेती ये रिहिस के उंकर खातिर निर्दिष्ट सीमा बहुत कम रिहिस अउ शहर के सीमा म उंकर शेल्फ स्टॉक के रोज के आधार म बदलना संभव नइ हावय।

इही सेती, सरकार ह आपूर्ति श्रृंखला के अउ जादा निर्बाध बनाये के उद्देश्य ले मंगलवार के थोक बेचइया मन अउ खुदरा बेचइया मन के श्रेणी के अभी के बेरा स्टॉक सीमा आदेश ले छूट दे के खातिर अधिसूचना जारी के हावय। ये आदेश तुरते प्रभाव ले लागू होही।

थोक बेचइया मन अउ बड़का श्रृंखला के खुदरा बेचइया मन के भंडारण सीमा आदेश ले हटाने ले ओला खाद्य तेलों के आने-आने किस्मों अउ ब्रांडों के रखे के अनुमति मिल जाही, जेला वो अभी के बेरा म स्टॉक रोकथाम आदेश के सेती रखे म असमर्थ हावयं।

अंतरराष्ट्रीय अउ घरेलू दुनों बाजार म पर्याप्त आपूर्ति बहाल होए अउ खाद्य तेलों के कीमतों म सरलग गिरावट के देखत, ये थोक बेचइया मन अउ थोक उपयोग करइया (बड़ी श्रृंखला खुदरा दुकानों) के स्टॉक सीमा रोकथाम आदेश ले छूट दे के एक उपयुक्त समय रिहिस। ए आदेश के प्रभाव ले तिलहन के कीमतों म तको सकारात्मक प्रभाव पड़ेगा काबर के येकर ले तिलहन के खरीद के बढ़ावा मिलही, जेकर ले घरेलू तिलहन उगाने वाला किसान मन के आय म बढ़ोतरी होही।