अंजोर. PIB Delhi, आधुनिक भारतीय समाज के जनक कहे जाने वाला राजा राममोहन राय के जीवन म आधारित रंगारंग अउ ऊर्जावान नृत्य नाटिका के आज कर्तव्य पथ अउ इंडिया गेट (सेंट्रल विस्टा) म आयोजन करे गिस। 'युगपुरुष राजा राममोहन राय' शीर्षक ले ये कार्यक्रम 'नारी सम्मान' विषय म आधारित हावय, जेकर आयोजन संस्कृति मंत्रालय के राजा राममोहन राय लाइब्रेरी फाउंडेशन डहर ले करे जात हावय। कर्तव्य पथ म 6 नवम्बर 2022 के तको नृत्य नाटिका के आयोजन करिन।
आजादी के अमृत महोत्सव के हिस्सा के रूप म, राजा राममोहन राय के 250 वीं जयंती के मउका म 22 मई, 2022 के भारत सरकार के संस्कृति मंत्रालय डहर ले एक साल तक चले वाला परब सुरू करे गिस। जाने-माने कोरियोग्राफर निलय सेनगुप्ता डहर ले निर्देशित 40 कलाकार मन के ये श्रव्य-दृश्य प्रस्तुति तको वो अभियान के हिस्सा हावय जेकर तहत हर सप्ताह सेंट्रल विस्टा म सांस्कृतिक कार्यक्रम आयोजित करे जाये हावयं।
राजा राम मोहन राय के जीवन म आधारित नृत्य नाटिका ह देखइया के उंकर महान बुता, उच्च आदर्श अउ जीवनदर्शन ले परिचित कराये गिस। प्रदर्शन संझा छह बजे ले सुरू होइस अउ ए कार्यक्रम म सबो के खातिर प्रवेश पूरा रकम ले नि:शुल्क रिहिस।
22 मई, 1772 के बंगाल के राधानगर म जन्मे राजा राममोहन राय ह भारत के धार्मिक, सामाजिक अउ राजनीतिक सुधारों म उल्लेखनीय भूमिका निभाई। वो ह ब्रह्म समाज के संस्थापक रिहिस अउ ओमन हमेशा आधुनिक अउ वैज्ञानिक दृष्टिकोण के बढ़ावा दीस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।