अंजोर.धमतरी, पुलिस अधीक्षक महोदयप्रशांत ठाकुर के उपस्थिति म'मेहला' तृतीय लिंग मनखे के अधिकार अउ संरक्षण विषयक एक दिवसीय जिला स्तरीय थर्ड जेंडर जागरूकता संवेदीकरण कार्यशाला के आयोजन जिला पुलिस अधीक्षक कार्यालय के कान्फ्रेंस हॉल धमतरी म आयोजित करे गिस रिहिस।
अतिरिक्त पुलिस अधीक्षक श्रीमती मेघा टेंभुरकर साहू ह जिला स्तरीय जागरूकता कार्यशाला म तृतीय लिंग कल्याण बोर्ड ले विशेषज्ञ सदस्य मन के उपस्थिति म समाज म उभय लिंगी मनखे के अधिकार के संरक्षण अधिनियम-2019 अउ नियम 2020 म विस्ता्र ले जानकारी दीस। समाज म उभय लिंगी मनखे के प्रति आदर अउ समानता के दृष्टिकोण लाने जागरूकता अउ प्रचार-प्रसार के जरूरत म गोठबात अउ रूपरेखा तइयार करे गिस। कार्यशाला म ये तको बताइन के समाज अउ धर्म ग्रंथ म तको समुदाय के पर्याप्त अउ बराबर सहभागिता के वर्णन हावय, सबो के लिये समान सम्मान, विधिक अधिकार, न्याय अउ सुविधा प्रदाय करे गे हावय। येमा थर्ड जेंडर मनखे तको एमे सामिल हावय। आम लोगन के समान समझ अउ सम्मान मिले।
तृतीय लिंग कल्याण बोर्ड के विशेषज्ञ सदस्या सुश्री रविना बरिहा ह कार्यशाला म थर्ड जेंडर के पृष्ठभूमि अउ थर्ड-जेंडर डहर ले अपन अधिकार के प्रति आयी सीमित जागरूकता के सेती थर्ड जेंडर म सुप्रीम कोर्ट के डहर ले 'नालसा' जजमेंट-2014 के तहत् आने-आने सामाजिक कल्याण योजना मन के दिशा म जरूरी निर्देश दिस।
तृतीय लिंग कल्याण बोर्ड के विशेषज्ञ सदस्या सुश्री विद्या राजपूत ह कार्यशाला म थर्ड-जेंडर मनखे के स्थिति के बारे म बताइन संग ही सुप्रीम कोर्ट के आदेश के मुताबिक थर्ड-जेण्डर मनखे मन के अधिकार के संरक्षण अधिनियम बनाये गे हावय जेमा पृथक-पृथक अधिनियम अउ धारा लागू करके दण्ड के तको प्रावधान करे गे हावय।
पुलिस अधीक्षक महोदयप्रशांत ठाकुर ह किहिन के जेन दिन समाज म सबो जगह जइसे सार्वजनिक स्थान, सरकारी कार्यालयों, धार्मिक जगह या सबोच जगह म महिला-पुरूष लिंग के रकम ले ही तृतीय लिंग के तको समान स्तर के सोच या नजरिया मिले हो जाही वो दिन एक बढि़या समाज के बनाये करे म हम कामयाब होबो।
पुलिस मुख्यालय डहर ले तृतीय लिंग के प्रति समानता दिखाते साल 2017-18 म 13 आरक्षक के पद म तृतीय लिंग मनखे मन के नियुक्ति देके आदर्श स्थापित करे गिस। पुलिस अधीक्षक महोदय ह अश्वस्त करिन के पुलिस विभाग ले थर्ड जेंण्डर मनखे मन के जेन तको मदद के जरूरत हो धमतरी पुलिस हमेशा संग खड़े हावय।
थर्ड जेंडर मनखे मन के संरक्षण के तहत् जिला म ये पहिली पहल करे जात हावय। आज जिला के पुलिस अधिकारी मनको थर्ड जेंडर के अधिकार अउ कानूनी संरक्षण संबंधी कानूनो ले अवगत कराते भविष्य म जरूरी कार्यवाही बर निर्देशित करे गिस संग ही कार्यशाला म उपस्थित उभय लिंगी व्यक्तियो के मोंमेटो अउ पुष्प गुच्छ भेंट करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।