राज्यपाल सुश्री अनुसईया उइके ले इंदिरा गांधी कृषि विश्वविद्यालय के कुलपति डॉ. गिरीश चंदेल ह करिस मुलाकात

राज्यपाल सुश्री अनुसईया उइके ले डॉ. गिरीश चंदेल

अंजोर.रायपुर। राज्यपाल सुश्री अनुसईया उइके ले राजभवन म इंदिरा गांधी कृषि विश्वविद्यालय के कुलपति डॉ. गिरीश चंदेल ह मुलाकात करिस। कुलपति डॉ. चंदेल ह राज्यपाल के नवा दिल्ली म जनजाति विषय म शोध संबंधी कार्यशाला के आयोजन के जानकारी दीस। डॉ. चंदेल ह बताइन के अवइया 27 अउ 28 नवम्बर के ये कार्यशाला संम्पन होही। जेमा आजादी के अमृत महोत्सव के मउका म राष्ट्रीय जनजाति आयोग डहर ले स्वतंत्रता संग्राम म जनजाति नायक के योगदान म देश के 125 विश्वविद्यालय म आयोजित कार्यक्रम के संक्षिप्त रिपोर्ट अउ प्रदर्शनी के संकलन करके पुस्तक प्रकाशित करे जाही। 

राज्यपाल सुश्री उइके ह राष्ट्रीय जनजाति आयोग डहर ले स्वाधीनता संग्राम म जनजाति नायक के योगदान ल रेखांकित करे के उद्देश्य ले सुरू ए पहल के सहारना करिस। ओमन डॉ. चंदेल ले किहिन के पूरा प्रदेस के विश्वविद्यालय ह ए पहल ले जुड़के अपन अग्रणी सहभागिता दे हावय। निश्चित ही पढ़ईया मन स्वतंत्रता संग्राम म जनजाति नायक के योगदान ले परिचित होही अउ उंकर कृतित्व अउ व्यक्तित्व ले पढ़ईया मन के उत्साहवर्धन होही।