दंतेवाड़ा के बदलत तस्वीर, गोधन न्याय योजना ले खुलिस रोजगार

अंजोर.दंतेवाड़ा। छत्तीसगढ़ शासन के महत्वाकांक्षी योजना मन म एक हावय गोधन न्याय योजना। ए योजना के शुरुआत करे के उद्देश्य पशुपालक के आर्थिक स्थिति म सुधार करे हावय। ए योजना के तहत शासन डहर ले गौपालक किसान मनले गोबर खरीद के वर्मी कम्पोस्ट बनाये के काम करे जात हावय। जेला वन विभाग, उद्यानिकी अउ कृषि विभाग अउ किसान मन ल बेचे जात हावय। ए योजना के तहत दंतेवाड़ा जिला के गउठान म आजीविका संवर्धन अउ गौपालक किसान मन के आर्थिक मदद मिले करे के उद्देश्य ले आने-आने गांव पंचायत मन म गउठान अउ चारागाह बनाये गे हावय। ये योजना गांव वाला के खातिर आमदनी के बढि़या जरिया हावय। येकर सेती ग्रामीण अर्थव्यवस्था के मजबूती मिल रेहे हावय।

गउठान म केंचुआ खातु अउ सुपर कम्पोस्ट खातु के बनाये जात हावय जेन के आज के स्थिति म उत्पादक अउ बेचे के केंद्र बने हावय। गउठान म समूह के दीदी गोबर खरीदी करके खातु बनात हावयं। उपलब्ध गोबर ले महिला समूह डहर ले जैविक खाद्य बनाके बेचे ले लाभ अर्जित करत हावय। अब तक ए केंद्र ले कुल गोबर खरीदी 79377.29 क्विंटल जेकर कीमत रु० 158.75 लाख गोबर बेचइया हितग्राही मन के दे करे जा चुके हावय। गउठान म मिले गोबर ले वर्मी कम्पोस्ट खातु कुल अकन 1808944 किलोग्राम अउ सुपर कम्पोस्ट कुल अकन 718381 किलोग्राम के उत्पादन करके 1424071 किलोग्राम वर्मी कम्पोस्ट अउ 66183 किलोग्राम सुपर कम्पोस्ट के बेचे गिस। जेकर ले 9493 हितग्राही लाभान्वित होइस। गउठान म गोबर खरीदी ले केऊ रकम ले के रोजगार सिरजन होइस हावय। येकर ले जिहां एक तनि मृदा स्वास्थ्य म सुधार होवत हाबे, उहें गुणवत्ता युक्त फसल उत्पादन के बढ़ावा मिलत हावय।