chhattisgarhiya kranti sena : भाठापारा म छत्तीसगढ़ राज सिरजन के जलसा, बूढ़ादेव जातरा के दूसरा चरन के आगाज अउ कांसा दान महाअभियान म उमडि़स हुजूम

chhattisgarhiya kranti sena

अंजोर.भाठापारा। छत्तीसगढ़िया क्रान्ति सेना डहर ले छत्तीसगढ़ राज सिरजन दिवस के जबर जलसा के आयोजन भाठापारा नगर म करे गिस। जेमा प्रदेसभर के सेनानी मनके अलावा छत्तीसगढि़या समाज के सियान मन तको जुरियाइन। भाठापारा नगर म सिरजन तिहार के गजब रौनक रिहिस। छत्तीसगढ़ महतारी के दुलरूवा बेटी-बेटा मन महतारी के स्वाभिमान अउ अपन आत्म सम्मान खातिर दुरिहा-दुरिहा ले सकलाके रैली म सामिल होइन। ये मउका म छत्तीसगढ़ के पारंपरिक लोककला दल मन तको अपन सांस्कृतिक प्रस्तुति देत रिहिस।

जानबा होवय के छत्तीसगढ़िया क्रान्ति सेना प्रदेसभर छत्तीसगढि़यावाद के जोन बांना ऊंचाये आगू बड़त हावय तेकर मारे सबो राजनीतिक दल मनके पोखरी ढिल्लागे हाबे। सबो राष्ट्रीय दल मन अपन-अपन दिल्ली दरबार के सुने के स्थानीय लोगन के बात, बड़ असमंजस म परगे हावय।

ये बीच छत्तीसगढ़िया क्रान्ति सेना के बुढ़ादेव जातरा के दूसरा चरन के आगाज ले नेता मन डर देखे बर मिलत हाबे। मिले आरो के मुता‍बिक बढ़ादेव के मुर्ति खातिर प्रदेसभर म कासा दान महाअभियान तको चलाये जात हाबे। लोगन ले अपील करे हावय के ये कार्यक्रम म सब्बो सेनानी अउ हमर छत्तीसगढ़िया भाई-बहिनी मन अपन घर ले अनुपयोगी कांसा,फुलकंस, नेरकंस, तांबा, पीतल के बर्तन धर के जरूर आहू।