राष्ट्रपति दू ले पांच नवंबर तक नगालैंड, मिजोरम अउ सिक्किम के दौरा करही

अंजोर.नई दिल्ली, राष्ट्रपति श्रीमती द्रौपदी मुर्मू दू ले पांच नवंबर तक नगालैंड, मिजोरम अउ सिक्किम के दौरा करही। दो नवंबर के राष्ट्रपति नागरिक अभिनंदन समारोह म सामिल होही। राष्ट्रपति के सम्मान म नगालैंड सरकार कोहिमा म येकर मेजबानी करही। ए मउका म वो राज्य म शिक्षा अउ अवंसरचना ले सम्बंधित आने-आने परियोजना के उद्घाटन/शिलान्यास करही।

तीन नवंबर के राष्ट्रपति कोहिमा युद्ध स्मारक म श्रद्धांजलि अर्पित करही अउ उंकर बाद वो किगवेमा गांव के दौरा करही। गांव म वो ग्रामीण परिषद अउ स्वसहायता समूह के सदस्य मन ले गोठबात करही। उही दिन वो अइजोल म मिजोरम विश्वविद्यालय के 17वां दीक्षांत समारोह म सामिल होही। वो मिजोरम म शिक्षा सम्बंधी आने-आने परियोजना के उद्घाटन तको करही। संझा के राष्ट्रपति अइजोल के राजभवन म अपन सम्मान म आयोजित नागरिक अभिनंदन समारोह म सामिल होही, जेकर मेजबानी मिजोरम सरकार करही।

चार नवंबर के राष्ट्रपति अइजोल म मिजोरम विधान सभा के सदस्य मन के सम्बोधित करही। उही दिन वो एक नागरिक अभिनंदन समारोह म सामिल होही। समारोह के मेजबानी राष्ट्रपति के सम्मान म मिजोरम सरकार करत हावय। राष्ट्रपति केंद्र अउ राज्य सरकार के आने-आने परियोजना के उद्घाटन/शिलान्यास करही। पांच नवंबर के राष्ट्रपति दिल्ली लौटे ले पहिली रवंगला म तथागतत्सल म अपन क्षेत्र म सफलता मिले महिला मन अउ स्वसहायता समूह के सदस्य मन ले गोठबात करही।