 |
| fertilizer Rates fixed for sale |
अंजोर.रायपुर। कृषि उत्पादन आयुक्त के अध्यक्षता म राज्य स्तरीय खातु बिसाये समिति अउ रासायनिक खातु प्रदायक के बीच वर्चुअल रूप ले निगोसियेशन बइठक सम्पन्न होइस। बइठक म रबी सीजन 2022-23 बर रासायनिक खातु के किसान विक्रय दर के निर्धारण करे गिस। करार दर के मुताबिक एनपीके (20: 20:0:13) खातु के कीमत म 50 रूपिया के कमी होए हावय, उहें बांचे खातु के दर यथावत हावय।
राज्य स्तरीय खातु बिसाये समिति डहर ले छत्तीसगढ़ के किसान मनबर डीएपी खातु बर 1350 रूपिया प्रति बोरी, एनपीके बर 1350 रूपिया प्रति बोरी, एसएसपी पावडर बर 494 रूपिया प्रति बोरी, एसएसपी दानेदार बर 635 रूपिया प्रति बोरी अउ जिंकटेड एसएसपी पावडर बर 514 रूपिया प्रति बोरी एमआरपी करार करे गिस। जानबा होवय के नीम यूरिया खातु के दर भारत सरकार डहर ले प्रति बोरी 266.50 करार हावय। बइठक म संचालक कृषि, प्रबंध संचालक मार्कफेड, अपर पंजीयक (सहकारिता) अउ अपेक्स बैंक के अधिकारी सामिल रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।