पुस्तैनी संपत्ति बंटवारा के झगरा म भतीजा ह अपने कका ऊपर करिस हमला

पुस्तैनी संपत्ति बंटवारा के झगरा म भतीजा ह अपने कका ऊपर करिस हमला

अंजोर.जांजगीर। सुनील कुमार बर्मन निवासी पामगढ इंदिरा नगर के डहर ले थाना पामगढ़ म रिपोर्ट दर्ज कराइन के संझा करीबन 07.00 बजे के आसपास संजय कुर्रे के मकान म पुस्तैनी संपत्ति मकान के बंटवारा के बात ल लेके विवाद करत आवेशित होके रोशन कुर्रे डहर ले लोहा के धारदार कत्ता ले अपन कका संजय कुर्रे के गर्दन म प्राण घातक हमला करके फरार होगे।

रिपोर्ट म आरोपी रोशन कुर्रे निवासी  के विरूद्ध अपराध क्रमांक 434/22 धारा 307 भादवि पंजीबद्ध करके विवेचना म लिस। प्रकरण के गंभीरता के धियान म रखत आरोपी के गांव तुसार थाना जैजैपुर जिला सक्ती म रेहे के सूचना मिले म पामगढ़ पुलिस डहर ले दबिश देके आरोपी ल गिरफ्तार करके पुलिस हिरासत म लेके पूछताछ करे म आरोपी डहर ले अपन मेमोरण्डम कथन म पुस्तैनी मकान के बंटवारा के विवाद म घटना के अंजाम देना स्वीकार करिस।

आरोपी रोशन कुर्रे उमर 24 साल निवासी गांव खजुरानी थाना जैजैपुर जिला सक्ती के कब्जा ले घटना म प्रयुक्त हथियार बरामद करके आरोपी ल गिरफ्तार करके न्यायिक रिमाण्ड म भेजे गिस। मिले आरो के मुताबिक आरोपी ल गिरफ्तार करे म उनि संतोष कुमार शर्मा सउनि अरूण सिंह  सुनील कुमार टैगोर आर. शिव रायसागर  अनुज खरे अउ राजा जयप्रकाश रात्रे के योगदान रिहिस।