बिहान ह लानिस सीमा सिंह कोर्राम के जिनगी म नया बिहनिया, स्वरोजगार ले मिलिस पहचान अउ पइसा

अंजोर. अम्बिकापुर। 10 वी तक पढ़े श्रीमती सीमा सिंह कोर्राम के जीवन चूल्हा-चौका अउ घरेलू काम तक सीमित होए के सेती घर के आर्थिक स्थिति ल मजबूत करे म योगदान नइ दे पात रिहिस। घर के आर्थिक स्थिति ल मजबूती दे के ठोस इरादा खातिर सीमा ह राष्ट्रीय ग्रामीण आजीविका मिशन बिहान के महिला समूह ले जुरिस अउ समूह ले 50 हजार रूपिया करजा लेके मनिहारी अउ किराना व्यवसाय सुरू करिन। ए व्यवसाय ह सीमा के जिनगी म नया बिहनिया लेके आइस। अब सीमा एक गृहणी के संग व्यवसायी तको हावय अउ घर के आर्थिक स्थित तको बढि़या होगे हावय।