 |
| physiotherapy undergraduate course admission |
अंजोर.रायपुर। छत्तीसगढ़ राज्य के सरकारी अउ निजी फिजियोथेरेपी कॉलेज म संचालित स्नातक फिजियोथेरेपी पाठ्यक्रम म साल 2022 म प्रवेश के खातिर 9 नवम्बर तक ऑनलाईन आवेदन कर सकत हावयं। स्नातक फिजियोथेरपी पाठ्यक्रम म प्रवेश बर नीट म सामिल सबो पात्र हावय अउ ए पाठ्यक्रम बर कोनो न्यूनतम अर्हताकारी अंक नइ हावय। ऑन-लाईन आवेदन शुल्क अनारक्षित श्रेणी अउ आन वर्ग के खातिर एक हज़ार रुपये, अनुसूचित जनजाति अउ अनुसूचित जाति श्रेणी बर 500 रूपिया अउ अप्रवासी भारतीय बर 10 हजार रूपिया करार हावय।
संचालक चिकित्सा शिक्षा ह बताइन के अइसे आवेदन करइया जेन मन पहिली म प्रवेश साल 2022 म एमबीबीएस या बीडीएस म ऑनलाईन आवेदन करे हावय, ल फेर ऑनलाईन आवेदन शुल्क जमा करे के जरूरत नइ हावय। ऑन-लाईन आवेदन 04 नवम्बर संझा 5 बजे ले सुरू हो गे हावय, जो 09 नवम्बर मंझन 3 बजे तक जारी रइही। ऑनलाइन आवेदन म त्रुटि होए म आवेदन करइया के केवल एक बार रिसेट एप्लीकेशन करे के सुविधा उपलब्ध होही।
आवेदन करइया डहर ले रिसेट एप्लीकेशन के चयन करे म जुन्ना ऑनलाइन एप्लीकेशन फार्म कैंसल हो जाही अउ आवेदन करइया नया ऑनलाइन आवेदन भर सकही। रिसेट एप्लीकेशन शुल्क एक हज़ार रूपिया ऑनलाइन जमा करे होही। प्रवेश प्रक्रिया बर नियम छत्तीसगढ़ चिकित्सा, दंत चिकित्सा अउ भौतिक चिकित्सा फिजियोथैरेपी स्नातक प्रवेश नियम 2018 के अवलोकन करे जा सकत हाबे। आवेदन करइया ऑनलाइन आवेदन प्रक्रिया, काउंसलिंग, आवंटन उकसे संबंधित जानकारी के खातिर वेबसाइट www.cgdme.co.in के सरलग अवलोकन करें अउ निजी फिजियोथेरेपी कॉलेज म आबंटन संचालक चिकित्सा शिक्षा डहर ले गठित समिति डहर ले करे जाही, अतः कोनो व्यक्ति, संस्था के धोखा म नइ फंसहू।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।