राष्ट्रीय आदिवासी नृत्य महोत्सव : माड़िया अउ गौर नृत्य के अद्भुत प्रस्तुति

अंजोर.रायपुर। शिकार के वर्णन करत माड़िया नृत्य बस्तर अंचल के विशिष्ट पहचान हावय। गौर नृत्य करत बखत माड़िया पुरुष नर्तक अपन मुड़ म गौर के सींग वाला गहना पहिरे हावयं। इही सेती ले ये नृत्य गौर नृत्य कहलाथे।अविवाहित माड़िया युवक-युवती एमे भाग लेवत हावयं। गौर ल माड़िया बोली म माओ या पेटमा केहे जाथे, बांस के खपची के आड़े-तिरछे अवस्था म गौर सिंग के बांधा जाथे। कौड़ी के लटें निकाल करके येकर सौंदर्य बढ़ाये जाथे। मुख्य रूप ले वैवाहिक समारोह म ये गौर नृत्य करे जाथे।