आदिम सांस्कृतिक ल बचाए रखे ले बने रइही हमर एकजुटता : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह किहिन हावय के पूरा दुनिया के आदिम सांस्कृतिक ल जब हम बचाए रखबो, तभे हमर एकजुटता बचे रइही अउ प्राकृतिक संतुलन के संग विकास के अवधारणा साकार हो सकही। राष्ट्रीय आदिवासी नृत्य महोत्सव के आयोजन के मुख्य उद्देश्य आदिवासी मन के अधिकार के खातिर पूरा दुनिया म एकजुटता कायम करे हावय।

मुख्यमंत्री बघेल ह इहां साइंस कॉलेज मैदान म आयोजित भव्य समारोह म तीसरा राष्ट्रीय आदिवासी नृत्य महोत्सव अउ छत्तीसगढ़ राज्योत्सव के सुरू करत ए विचार व्यक्त करिस। ओमन दीप प्रजज्वलित करके अउ आदिवासी वाद्ययंत्र नगाड़ा बजाके कार्यक्रम सुरू करिन। मुख्यमंत्री ह सबो राज्य के नर्तक दल अउ बिदेसी पहुना के हार्दिक स्वागत करत प्रदेसवासी ल राज्य स्थापना दिवस अउ राष्ट्रीय आदिवासी नृत्य महोत्सव के बधाई दीस।

स्वागत कार्यक्रम म देश के 28 राज्यों, 7 केन्द्र शासित प्रदेस सहित 10 देश मोज़ाम्बिक, टोगो, ईजिप्ट, मंगोलिया, इंडोनेशिया, रूस, न्यूजीलैंड, सर्बिया, रवांडा अउ मालदीव के कलाकार मन ह आदिवासी नृत्य के झलक देखाके देखइया के मंत्रमुग्ध करिन। ए आयोजन म लगभग 1500 देशी-विदेशी कलाकार शिरकत करके रिहिन हावयं। मुख्यमंत्री ह राष्ट्रीय आदिवासी नृत्य महोत्सव के मउका म पोस्टल विभाग डहर ले जारी पोस्टल स्टेम्प अउ लिफाफे अउ साल 2021 के राष्ट्रीय आदिवासी नृत्य महोत्सव के काफी टेबल बुक के विमोचन करिन। कार्यक्रम म मोजाम्बिक, रसिया अउ मंगोलिया के आदिवासी नर्तक दल ह अपन विशिष्ट शैली म मनमोहक नृत्य के प्रस्तुति दीस।

ओमन किहिन के छत्तीसगढ़ के आदिवासी कलाकार मन के बिदेस म प्रस्तुति के मउका अउ मंच दे करे के खातिर राज्य सरकार अउ भारतीय सांस्कृतिक संबंध परिषद नवा दिल्ली के बीच समझौता ज्ञापन (एमओयू) बर सहमति बने हावय जेकर ले आदिवासी संस्कृति के प्रसार अउ विनिमय के दायरा बढ़ही।

विधानसभा अध्यक्ष डॉ. चरणदास महंत ह कार्यक्रम के अध्यक्षता करत छत्तीसगढ़ के खातिर आज गौरव के दिन हावय। आदिवासी मन के सम्मान के अउ ऊंचाई दे के उद्देश्य ले राष्ट्रीय आदिवासी नृत्य महोत्सव के आयोजन करे जात हावय। ओमन किहिन के हमन ल छत्तीसगढ़ के मूल संस्कृति, मूल विचारधारा के आगू बढ़ाये के खातिर जनमत मिले  रिहिस। मुख्यमंत्री बघेल के अगुवई म राज्य सरकार छत्तीसगढ़, छत्तीसगढ़िया अउ छत्तीसगढ़ी के उन्नति के खातिर बहुत बढि़या ढ़ंग ले काम करत हावय। राज्य सरकार के योजना मन ले किसान मन, गरीब मन अउ पिछड़ा ल न्याय मिलत हावय। ओमन किहिन के छत्तीसगढ़ के विकसित राज्य बनाये के खातिर सबो के गढ़बो नवा छत्तीसगढ़ के संकल्प के संग आगू बढ़ना होही। पर्यटन अउ गृह मंत्री ताम्रध्वज साहू ह किहिन के पाछु चार वर्ष म राज्य सरकार गढ़बो नवा छत्तीसगढ़ के संकल्प लेके आगू बढ़ रेहे हावय। अपन संस्कृति अउ परम्परा संरक्षित अउ संवर्धित करे के काम करत हावय।

संस्कृति मंत्री अमरजीत भगत ह किहिन के विश्व आदिवासी दिन म छुट्टी घोसित करके छत्तीसगढ़ सरकार ह आदिवासी मन के सम्मान बढ़ाये हावय अउ राष्ट्रीय आदिवासी नृत्य महोत्सव के आयोजन करके आदिवासी मन के मान बढ़ाये हावय। आज छत्तीसगढ़ के देश अउ दुनिया म नवा पहचान मिले हावय। मुख्य सचिव अमिताभ जैन ह स्वागत भाषण अउ आभार प्रदर्शन संस्कृति सचिव अन्बलगन पी. ह करिन। कार्यक्रम म कृषि मंत्री रविन्द्र चौबे, वन मंत्री मोहम्मद अकबर, महिला अउ बाल विकास मंत्री श्रीमती अनिला भेंड़िया, उद्योग मंत्री कवासी लखमा, आदिमजाति विकास मंत्री डॉ.प्रेमसाय सिंह टेकाम, लोक स्वास्थ्य यांत्रिकी मंत्री रूद्र कुमार, नगरीय प्रशासन अउ विकास मंत्री डॉ. शिवकुमार डहरिया, केऊ संसदीय सचिव, विधायक, निगम मंडल के अध्यक्ष सहित ईजिप्ट के काउंसलर इमेज, टोगो के माजा, हरियाणा के प्रमुख सचिव संस्कृति डी. सुरेश सहित केऊ जनप्रतिनिधि अउ नागरिकगण उपस्थित रिहिस।