राष्ट्रीय आदिवासी नृत्य महोत्सव : मोजांबिक, रूस और मंगोलिया के मनमोहक प्रस्तुति

अंजोर.रायपुर। राष्ट्रीय आदिवासी नृत्य महोत्सव म मोजांबिक, रूस अउ मंगोलिया के मनमोहक प्रस्तुति के संग आज ले तीसरा राष्ट्रीय आदिवासी नृत्य महोत्सव के आगाज होगे। आज के स्वागत कार्यक्रम म मोजांबिक ले आए नर्तक दल मन ह सबले पहिली प्रस्तुति दीस। ओमन फसल कटाई के मउका म करे जाने वाला डांस फॉर्म प्रस्तुत करिस। उहे रूस अउ मंगोलिया के नर्तक दल ह फ्युजन डांस फॉर्म प्रस्तुत करिस। येमें उहां के संस्कृति, रीति रिवाज, परंपरा, प्राकृतिक सुंदरता प्रदर्शित होथे। अचीवमेंट इन हंटिंग, हाइटाइट स्ट्रेंथ, इंट्यूशंस ऑफ एनिमल्स एंड लाइफस्टाइल विषय म केंद्रित प्रस्तुति ले मंगोलिया मन समां बांध दिस।